دنیا کا سب سے قدآور بیل کس ملک میں؟ دلچسپ خبر آگئی

(ویب ڈیسک)عیدالاضحی کی آمد آمد ہے اور اس بار قربانی بھی کافی مہنگی ہے، خریدار اور فروخت کار بھی پریشان ہیں کیونکہ مہنگائی کی وجہ سے ہرچیزپہنچ سے دور ہورہی ہے، دوسری جانب دلچسپ مشاہدہ یہ بھی دیکھنے کو ملتا ہے کہ اس بار سب سے قدآور قربانی کا جانور کس کا ہوگا اور وہ جانور کس ملک میں ہوگا۔

تفصیلات کے مطابق آپ کے لیے یہ بات جاننا دلچسپی سے خالی نہیں ہوگی کہ دنیا کے قد آور ترین بیل کا تعلق کس ملک سے ہے، امریکا میں ایک بیل کو دنیا کا سب سے لمبے قد والا بیل مانا گیا ہے جبکہ گنیز ورلڈ ریکارڈ نے بھی اسے قدرآور تیرن بیل کے اعزاز سے نوازا ہے۔

ذرائع ابلاغ نے بتایا کہ اس بیل کی عمر 6 سال ہے جبکہ اس رومیوں کا نام دیا گیا۔ لمبے قد والے بیل کی جسامت 6 فٹ 4.5 انچ اونچی ہے اور وہ دور سے ہی ایستادہ ستون کی مانند دکھتا ہے۔

 امریکی ریاست اوریگون میں پیدا ہونے والا بیل رومیو نے ماضی میں ٹامی نامی بیل کی جانب سے بنائے گئے ریکارڈ کو توڑدیا ہے۔ رومیو کی اونچائی ٹام سے بھی 3 انچ سے زیادہ ہے۔

گنیز ورلڈ ریکارڈ نے اپنی سوشل میڈیا پوسٹ میں بتایا کہ ’1.94 میٹر لمبائی کے حامل بیل رومیو سے ملیں۔ یہ 6 سال کا ہے جو اپنے مالک مسٹی مور کے ساتھ ویلکم ہوم اینیمل سینکچری میں رہتا ہے۔‘

مالک کا کہنا ہے کہ دنیا کے قد آور ترین بیل کو سیب اور کیلے کھانے کا بہت شوق ہے۔ وہ روزانہ 45 کلو گرام گھاس مع اضافی اناج اور دیگر خوراک کھالیتا ہے۔

رومیو کی جسامت کافی بھاری اور لمبائی عام بیلوں کے مقابلے میں کافی زیادہ ہے تو اس کے آرام کو یقینی بنانے کے لیے خصوصی نقل و حمل کے ذرائع اور اونچی چھت کے باڑے کا انتظام کیا جاتا ہے۔