ویب ڈیسک: بالی وڈ کے لیجنڈ اداکار دھرمیندر کے انتقال کے بعد ان کی اہلیہ اور سینئر اداکارہ ہیما مالنی نے سوشل میڈیا پر شوہر کے ساتھ اپنی یادگار تصاویر اور دل کو چھو لینے والا پیغام شیئر کیا ہے۔
ہیما مالنی نے ایکس (سابق ٹوئٹر) پر طویل نوٹ لکھتے ہوئے کہا کہ "دھرم جی میرے لیے بہت کچھ تھے—محبت کرنے والے شوہر، ہماری دونوں بیٹیوں کے شفیق باپ، ایک دوست، فلسفی، رہنمائی کرنے والے، شاعر اور ہمیشہ ضرورت کے وقت ساتھ کھڑے رہنے والے ساتھی۔"
Dharam ji❤️
— Hema Malini (@dreamgirlhema) November 27, 2025
He was many things to me. Loving Husband, adoring Father of our two girls, Esha & Ahaana, Friend, Philosopher, Guide, Poet, my ‘go to’ person in all times of need - in fact, he was everything to me! And always has been through good times and bad. He endeared himself… pic.twitter.com/WVyncqlxK5
انہوں نے مزید لکھا کہ ایک عوامی شخصیت ہونے کے باوجود دھرمیندر کی عاجزی اور سادگی ہی انہیں دوسروں سے منفرد بناتی تھی۔ فلم انڈسٹری میں ان کی بے مثال شہرت اور کامیابیاں ہمیشہ یاد رکھی جائیں گی۔
Togetherness over the years - always there for us????❤️Some special moments.. pic.twitter.com/xM1ynk8eyl
— Hema Malini (@dreamgirlhema) November 27, 2025
ہیما مالنی نے اعتراف کیا کہ ان کا ذاتی نقصان بہت بڑا ہے اور اس خلا کو بھرنا ناممکن ہے۔ انہوں نے لکھا کہ"برسوں ساتھ گزارنے کے بعد میرے پاس بے شمار یادیں ہیں، جو ہمیشہ میرے دل میں زندہ رہیں گی"۔
اداکارہ کے شیئر کیے گئے پوسٹ میں دھرمیندر کے ساتھ ان کی متعدد خوبصورت اور یادگار تصاویر بھی شامل تھیں۔
واضح رہے کہ بالی وڈ کے معروف اداکار دھرمیندر 89 برس کی عمر میں 24 نومبر کو ممبئی میں انتقال کر گئے، جس کے بعد دنیا بھر سے مداحوں اور ساتھی فنکاروں نے ان کے لیے گہرے دکھ اور تعزیت کا اظہار کیا۔