ویب ڈیسک: بالی ووڈ کے لیجنڈری اداکار امیتابھ بچن نے سکیورٹی خدشات کے باوجود مداحوں سے ملاقات کی اپنی دیرینہ روایت برقرار رکھی، تاہم اس بار وہ ممبئی میں اپنی رہائش گاہ ’جلسہ‘ کے باہر حفاظتی شیشے کے حصار میں نظر آئے۔
گزشتہ ماہ ممبئی کے علاقے باندرہ کرلا کمپلیکس میں واقع ایک تعلیمی ادارے کو ای میل کے ذریعے امیتابھ بچن کی رہائش گاہ کو بم سے نشانہ بنانے کی دھمکی موصول ہوئی تھی، جس کے بعد پولیس نے تحقیقات شروع کرتے ہوئے ان کی سکیورٹی مزید سخت کردی۔
#WATCH | Maharshtra: Actor Amitabh Bachchan greets fans outside his residence 'Jalsa' in Mumbai earlier today. The actor was seen greeting them from inside a transparent protective bulletproof shell, reportedly added as an extra security measure. https://t.co/N27ETg5Bci
— ANI (@ANI) November 1, 2026
یکم نومبر کو امیتابھ بچن اپنے گھر کے باہر جمع ہونے والے مداحوں سے ملنے پہنچے۔ انہوں نے حفاظتی شیشے کے اندر رہتے ہوئے ہاتھ ہلا کر مداحوں کو خوش آمدید کہا۔ اس موقع پر ان کے بیٹے ابھیشیک بچن بھی ان کے ہمراہ موجود تھے۔
یہ ملاقات امیتابھ بچن کی جانب سے صحت کی وجہ سے روزانہ بلاگ لکھنے سے عارضی وقفے کے اعلان کے بعد سامنے آئی ہے۔ اداکار نے بتایا تھا کہ ڈاکٹروں نے انہیں چند روز آرام اور صحت یابی کا مشورہ دیا ہے۔
واضح رہے کہ امیتابھ بچن کئی دہائیوں سے ہر اتوار اپنے گھر ’جلسہ‘ کے باہر جمع ہونے والے مداحوں سے ملاقات کرتے اور ہاتھ ہلا کر ان کا استقبال کرتے ہیں۔