شردھا کپورکا ورون دھون کو شادی کیلئے ’پرپوزل‘، اداکار نے کیا جواب دیا؟

ویب ڈیسک: بالی وڈ اداکارہ شردھا کپور نے انکشاف کیا ہے کہ انہوں نے بچپن میں ورون دھون کو پروپوز کیا تھا جسے انہوں نے مسترد کردیا۔
شردھا کپور نے حال ہی میں ایک پوڈ کاسٹ میں شرکت کی جہاں انہوں نے اپنی بچپن کی محبت کے حوالے سے گفتگو کی،اداکارہ نے بتایا کہ یہ بہت پرانی کہانی ہے، یہ بات لوگوں کو پتا بھی ہے کہ ورون دھون نے میرا پروپوزل مسترد کیا تھا۔
شردھا نے کہا کہ ہم دونوں اپنے والد کے شوٹنگ سیٹ پر گئے تھے، مجھے بچپن میں ورون پر چھوٹا سا کرش تھا، ہم پہاڑ کی چوٹی پر گئے وہاں پر کھیلتے کھیلتے میں نے ورون سے بولا میں ایک بات الٹا بولوں گی تو آپ اس کا مطلب سمجھ جانا۔
اداکارہ نے مزید کہا کہ پھر میں نے ورون کو 'i love you ' بولا تو ورون نے سننے کے بعد جواب دیا کہ ’مجھے لڑکیاں پسند نہیں ہیں اور پھر وہ بھاگ کے چلا گیا۔

واضح رہے اداکارہ شردھا کپور اور ورون دھون نے فلم اے بی سی ڈی 2، سٹریٹ ڈانسر 3 ڈی میں ایک ساتھ کام کیا ہے۔