(ویب ڈیسک ) پنجاب میں جدید تھرمل امیجنگ ڈرونز کی مدد سے 800 متاثرین کی بروقت نشاندہی کر کے انہیں ریکسیو کیا گیا۔
پنجاب کے مختلف اضلاع میں حالیہ بارشوں اور سیلابی صورتحال کے بعد شہریوں اور مویشیوں کو محفوظ مقامات تک پہنچانے کے لیے سیف سٹی اتھارٹی نے تھرمل امیجنگ ڈرون ٹیکنالوجی کا کامیاب استعمال کیا۔
وزیر اعلی پنجاب مریم نواز نے سماجی رابطے کی ویب سائٹ ایکس پر پیغام میں کہا کہ سیالکوٹ، سرگودھا، گجرات اور جھنگ سمیت کئی متاثرہ علاقوں میں یہ جدید ڈرونز استعمال کیے گئے جن کی مدد سے پھنسے ہوئے افراد اور جانوروں کی حرارت کی بنیاد پر ان کی لوکیشن کا پتہ لگایا گیا۔
Since most of the Punjab is now CCTV monitored, thermal imaging drone technology was used to spot & track stranded citizens and livestock in many districts including Sialkot, Sargodha, Gujrat & Jhang. 800 cases were successfully coordinated. Well done Safe City Authority. pic.twitter.com/K682qo7ofR
— Maryam Nawaz Sharif (@MaryamNSharif) August 28, 2025
انہوں نے کہا کہ سیف سٹی اتھارٹی کی ٹیموں نے سی سی ٹی وی اور تھرمل ڈرونز کی مدد سے 800 سے زائد ریسکیو کیسز کو کامیابی سے کوآرڈینیٹ کیا، جنہیں فوری طور پر ریسکیو سروسز کے ذریعے محفوظ مقامات پر منتقل کر دیا گیا۔