آئندہ نسلوں کو پتہ ہونا چاہیے کہ ہماری تاریخ کیا ہے، وزیراعظم

آئندہ نسلوں کو پتہ ہونا چاہیے کہ ہماری تاریخ کیا ہے، وزیراعظم

جہلم(پبلک نیوز) وزیراعظم عمران خان نے کہا ہے آنے والی نسلوں کو پتہ ہونا چاہیے کہ ہماری تاریخ کیا ہے۔

وزیراعظم عمران خان نے جہلم میں قلعہ نندنہ آمد پر تاریخی البیرونی مقام پر ہیری ٹیج ٹریل کا افتتاح کر دیا، اس موقع پر وزیراعلیٰ پنجاب عثمان بزدار، وفاقی وزیر فواد چودھری اور معاون خصوصی زلفی بخاری بھی ان کے ہمراہ تھے۔

وزیراعظم کا افتتاح کے موقع پر کہنا تھا کہ تاریخ مقامات کو آنے والی نسلوں کیلئے بچانا ہو گا ہیں، اللہ نے پاکستان کو بہت نعمتیں بخشی ہیں، تاریخی مقامات کا تحفظ بہت ضروری ہے، ملک میں آثار قدیمہ کے شعبے میں خاطرخواہ کام نہیں کیا گیا، ہم سیاحتی علاقوں کو ڈویلپ کر رہے ہیں۔

ان کا کہنا تھا ہم نے اپنے نوجوانوں کو روزگار دینا ہے، سیاحت سب سے زیادہ روزگار دیتی ہے، سیاحت کو اجاگر کرنے سے مقامی لوگوں کو زیادہ فائدہ ہوتا ہے، قلعہ نندنہ کے کھلنے سے سارے علاقے میں تبدیلی آئے گی، سیاحوں کو رہائش اور دیگر سہولیات دینے کے لیے بھی حکومت کام کر رہی ہے۔

بعدازاں وزیراعظم نے ٹلہ جوگیاں نیشنل پارک کا دورہ کیا۔ نیشنل پارک آمد پر بچوں نے وزیراعظم کو پھول پیش کیے۔ اس موقع پر وزیراعظم نے زیتون کا پودا لگا کر 13200 ایکٹر پر محیط سالٹ رینج کو نیشنل پارک بنانے کے منصوبے کا افتتاح کیا۔

یاد رہے کہ معروف سائنسدان ابوریحان البیرونی نے نندنہ قلعہ کے مقام پر زمین کی پیمائش کے تجربات کیے تھے۔

Watch Live Public News

ایڈیٹر

احمد علی کیف نے یونیورسٹی آف لاہور سے ایم فل کی ڈگری حاصل کر رکھی ہے۔ پبلک نیوز کا حصہ بننے سے قبل 24 نیوز اور سٹی 42 کا بطور ویب کانٹینٹ ٹیم لیڈ حصہ رہ چکے ہیں۔