اگر امریکا نے حملہ کیا تو ایران ایسا جواب دے گا جو پہلے کبھی نہیں دیا ہوگا، ایرانی مشن

(ویب ڈیسک )اقوامِ متحدہ میں ایران کے مشن نے امریکا کو خبردار کرتے ہوئے کہا ہے کہ اگر امریکا نے حملہ کیا تو ایران ایسا جواب دے گا جو اس سے پہلے کبھی نہیں دیا گیا ہوگا۔ 

ایرانی مشن نے سماجی رابطے کی ویب سائٹ ایکس پر بیان میں کہا کہ ایران باہمی احترام اور مفادات کی بنیاد پر مذاکرات  کیلئے تیار ہے، لیکن اگر دباؤ ڈالا گیا تو ایران اپنا دفاع کرے گا اور ایسا جواب دے گا جو پہلے کبھی نہیں دیا گیا ہوگا۔

Last time the U.S. blundered into wars in Afghanistan and Iraq, it squandered over $7 trillion and lost more than 7,000 American lives.

Iran stands ready for dialogue based on mutual respect and interests—BUT IF PUSHED, IT WILL DEFEND ITSELF AND RESPOND LIKE NEVER BEFORE! pic.twitter.com/k3fVEv1rus

— I.R.IRAN Mission to UN, NY (@Iran_UN) January 28, 2026

ایرانی مشن نے بیان میں کہا کہ آخری مرتبہ جب امریکا نے عراق اور افغانستان کی جنگ میں کودا تو اسے 7 کھرب ڈالر کا نقصان برداشت کرنا پڑا اور اس کے 7 ہزار سے زیادہ فوجی مارے گئے۔ 

قبل ازیں امریکی صدر ڈونلڈ ٹرمپ نے ایک بار پھر ایران کو دھمکی دیتے ہوئے کہا ہے کہ معاہدہ کرو یا پھر بدترین حملے کا سامنا کرو۔

امریکی صدر کا کہنا تھا کہ ایک بہت بڑا طیارہ بردار بحری بیڑہ ایران کی طرف بڑھ رہا ہے یہ بڑی طاقت، جوش اور مقصد کے ساتھ تیزی سے آگے بڑھ رہا ہے۔ امید ہے کہ ایران جلد ہی مذاکرات کی میز پر آئے گا  اور ایک منصفانہ اور مساوی معاہدے پر بات چیت کرے گا۔

ڈونلڈ ٹرمپ نے کہا کہ وقت تیزی سے ختم ہو رہا ہے یہ معاملہ نہایت اہم ہے، میں نے ایران سے پہلے بھی کہا تھا معاہدہ کر لو، ایران نے ایسا نہیں کیا اور پھر آپریشن مڈنائٹ ہیمر ہوا تھا۔ ایران کو معاہدہ نہ کرنے پر بڑی تباہی کا سامنا کرنا پڑا، اگلا حملہ اس سے کہیں زیادہ شدید ہو گا۔ اس لیے ایسا دوبارہ نہ ہونے دیں۔