(ویب ڈیسک ) قصور میں کمسن بچی کے ساتھ نازیبا حرکات کی ویڈیو سوشل میڈیا پر وائرل ہوئی جس کے بعد پولیس نے ملزم کو گرفتار کرلیا ہے۔
قصور کے ڈی پی او محمد عیسیٰ خان کا کہنا ہے کہ ملزم کو زخمی حالت میں گرفتار کیا گیا۔
پولیس نے بیان میں کہا ہے کہ ’ ملزم نے 3 روز قبل شاہ عنایت کالونی میں گلی میں کھیلتی ہوئی ایک کمسن بچی کے ساتھ نازیبا حرکات کی تھیں۔’
ڈی پی او محمد عیسیٰ خان نے واقعے کا نوٹس لیتے ہوئے ایس ایچ او کو ہدایت کی تھی کہ 24 گھنٹوں کے اندر ملزم کو گرفتار کیا جائے۔
پولیس کا کہنا ہے کہ ملزم کو دھنپت روڈ پر اس وقت پکڑا گیا، جب وہ گرفتاری سے بچنے کے لیے پستول نکال کر فرار ہونے کی کوشش کر رہا تھا، فائرنگ کے تبادلے میں وہ زخمی ہوا اور پولیس نے اسے گرفتار کر کے قصور ڈسٹرکٹ ہسپتال منتقل کردیا۔
بچی کیساتھ نازیبا حرکات کرنیوالا ملزم اپنے پسٹل سے مخصوص اعضا پر فائر لگنے سے زخمی حالت میں گرفتار، ہسپتال منتقل
— Kasur Police (@Police_Kasur) July 28, 2025
ویڈیو وائرل ہونے پر ڈی پی او قصور نے ایس ایچ او کو 24 میں گرفتاری کا ٹاسک دیا تھا،
ڈی پی او قصور معصوم بچی کے گھر پہنچے، سر پر شفقت کا ہاتھ رکھا اور گلدستہ پیش کیا pic.twitter.com/bOy0EXDO6U