لاہور:مسلم لیگ نواز کی چیف آرگنائزر مریم نواز کتنے اثاثوں کی مالک؟ مریم نواز کے مالی اثاثوں کی تفصیلات پبلک نیوز نے حاصل کرلیں۔ دستاویز کے مطابق مریم نواز مجموعی طور پر 84 کروڑ 25 لاکھ روپے سے زائد اثاثوں کی مالک ہیں، مریم نواز اپنے بھائی حسن نواز کی 2 کروڑ 89 لاکھ روپے سے زائد کی مقروض ہیں ۔ مریم نواز رائیونڈ کے علاقے میں 1400 کنال سے زائد اراضی کی مالک ہیں۔ مریم نواز کے شوہر کیپٹن صفدر بھی دوستوں کے 6 کروڑ روپے کے مقروض ہیں۔ مریم نواز نے مالی اثاثوں کی تفصیلات اپنے کاغذات نامزدگی کے ساتھ جمع کرائیں۔ دستاویز کے مطابق مریم نواز رائیونڈ کے علاقے میں 1 ہزار چار سو کنال سےزائد اراضی کی مالک ہیں۔ مریم نواز کی بیرون ملک کوئی جائیداد نہیں ہے۔ مریم نواز نے 3 برس میں 1 کروڑ 90 لاکھ روپے سے زائد زرعی آمدن ظاہر کی ہے، مریم نواز نے 3 برس میں زرعی اراضی سے آمدن پر 12 لاکھ روپے سے زائد ٹیکس ادا کیا، مریم نواز نے حدیبیہ پیپر ملز میں 54 لاکھ 69 ہزار روپے سے زائد کے شیئرز خرید رکھے ہیں۔ مریم نواز محمد بخش ٹیکسٹائل ملز میں 48 لاکھ 21 ہزار روپے کے شئیرز خرید رکھے ہیں، مریم نواز حمزہ سپننگ ملز میں 16 لاکھ، جنید پولٹری فارمز میں 90ہزار روپے مالیت شئیرز کی مالک ہیں ۔ دستاویز کے مطابق مریم نواز کے پاس اپنی ذاتی گاڑی نہیں ہے، مریم نواز کے بینک اکاونٹس میں 78 لاکھ روپےسے زائد کی رقم موجود ہے، مریم نواز نے کاغذات نامزدگی میں تعلیمی قابلیت ایم اے انگلش لٹریچر ظاہر کی ہے۔