آج مذاکرات ختم یا جاری رکھنے کا فیصلہ کریں گے، فواد چوہدری

پاکستان تحریک انصاف ( پی ٹی آئی ) کے رہنما فواد چوہدری نے کہا ہے کہ چھاپے اور گرفتاریاں مذاکراتی عمل کو بے معنی بنارہی ہیں، سابق وزیر اعظم عمران خان کی صدارت میں آج اجلاس میں مذاکرات ختم یا جاری رکھنے کا فیصلہ کریں گے ۔ تفصیلات کے مطابق سماجی رابطے کی ویب سائٹ ٹوئٹر پر جاری ٹویٹ میں پی ٹی آئی رہنما فواد چوہدری نے لکھا کہ ایک طرف مذاکرات دوسری طرف گرفتاریاں؟ چوہدری پرویز الہٰی کے گھر چھاپے سے یہ ثابت ہوتا ہے کہ سعد رفیق ، اسحق ڈار اور اعظم تارڑ کی اپنی حکومت میں کوئی حیثیت نہیں ہے ، اس چھاپے کی شدید مذمت کرتے ہیں ۔

ایک طرف مذاکرات دوسری طرف گرفتاریاں؟ چوہدری پرویز الہی کے گھر چھاپہ سے ثابت ہوتا ہے کہ اسحق ڈار، سعد رفیق اور اعظم تارڑ کی اپنی حکومت میں کوئ حیثیت نہیں ، اس چھاپے کی شدید مذمت کرتے ہیں

— Ch Fawad Hussain (@fawadchaudhry) April 28, 2023

پاکستان تحریک انصاف کے رہنما نے مزید کہا کہ پرویز الہٰی کے گھر پر حملہ، علی امین گنڈا پور کو ضمانت کے باوجود جبس بے جاء میں رکھنا اور پاکستان تحریک انصاف کے ورکرز کی گرفتاریاں مذاکراتی عمل کو بے معنی بنا رہی ہیں ۔

پرویز الہیٰ کے گھر پر حملہ ، علی امین گنڈا پور کو ضمانت کے باوجود جبس بےجاء میں رکھنا اور ورکرز کی گرفتاریاں مذاکراتی عمل کو بے معنی بنا رہی ہیں، اگر حکومتی مذاکراتی ٹیم یقین دہانی کے بعد ماحول بہتر رکھنے میں کوئ کردار ادا نہیں کر سکتی تو وہ بڑے فیصلے کیسے کرے گی؟ عمران خان کی…

— Ch Fawad Hussain (@fawadchaudhry) April 29, 2023

فواد چوہدری کا کہنا تھا کہ اگر حکومتی مذاکراتی ٹیم یقین دہانی کے بعد ماحول بہتر رکھنے میں کوئی کردار ادا نہیں کر سکتی ہے تو وہ بڑے فیصلے کیسے کرے گی ؟، سابق وزیر اعظم عمران خان کی صدارت میں آج اجلاس میں مذاکرات جاری رکھنے یا نہ رکھنے کا فیصلہ کریں گے ۔