(ویب ڈیسک ) بالی ووڈ کے سپر اسٹار سلمان خان 27 دسمبر کو 59 برس کے ہوگئے، جن کی سالگرہ پر جام نگر میں امبانی کی طرف سے شاندار تقریب رکھی گئی۔
امبانی کی جانب سے آرگنائز کی جانے والی سالگرہ کی تقریب میں سلمان خان کے خان اور قریبی دوستوں کے ساتھ شوبز ستاروں نے بھی شرکت کی۔ اس موقع پر لی گئی تصاویر سوشل میڈیا پر وائرل ہورہی ہیں۔
سلمان کے بہنوئی اتل اگنی ہوتری نے پارٹی کی ایک ویڈیو شیئر کی ہے جس میں میں سلمان کو چار منزلہ لمبا کیک کاٹتے دیکھا جاسکتا ہے۔
کیک کاٹنے کی ویڈیو میں سلمان کی والدہ سلمیٰ خان، سوتیلی ماں ہیلن، بھائی سہیل خان، بہن ارپیتا اور الویرا، بہنوئی آیوش شرما، رتیش دیش مکھ، جینیلیا ڈی سوزا، مکیش امبانی اور نیتا امبانی کو بھی تالیاں بجاتے اور گاتے ہوئے دیکھا جاسکتا ہے۔
سلمان خان اور ان کے خاندان کے افراد اس خاص دن کو منانے کےلیے خصوصی پرواز سے گجرات پہنچے، سہیل خان نے اپنی انسٹاگرام اسٹوری پر ایک ویڈیو شیئر کی ہے جس میں خاندان کو جہاز میں بیٹھے دیکھا جاسکتا ہے، جبکہ سلمان کی دوست، رومانیہ کی اداکار و گلوکارہ لیولیا وینتور بھی خاندان کے ساتھ تھیں۔
سہیل خان نے اپنے بھتیجے اور ملائیکہ اروڑا ارباز خان کے بیٹے ارہان خان، بیٹے نروان خان اور بہن الویرا کے بیٹے آیان اگنی ہوتری کے ساتھ ایک سائن بورڈ کے سامنے بیٹھ کر تصویر شیئر کی ہے جس پر ’’لو یو بھائی جان‘‘ لکھا تھا۔
تقریب میں اننت امبانی اور ان کی اہلیہ رادھیکا مرچنٹ کو بھی سلمان خان کے ساتھ ہنسی مذاق کرتے ہوئے دیکھا گیا۔