ویب ڈیسک: ٹریل فائیو پر 15 سالہ طالب علم طہٰ کی ہلاکت کے معاملے پر اس کے 5 ساتھی تفتیشی ٹیم کے سامنے پیش ہوگئے۔
ذرائع کے مطابق تفتیشی ٹیم نے 5 دوستوں کے بیانات قلمبند کر لیے جس میں دوستوں نے بتایا کہ ہائیکنگ کرتے ہوئےہم کافی اوپر جاچکے تھے اور طحہٰ تھک گیا تھا، ہم تھوڑا اوپر ایک پتھر پر چڑھ گئے تو طحہٰ پیچھے رہ گیا۔
تفتیشی ٹیم کے سامنے دیے گئے بیان میں بتایا گیا کہ پتھرپر چڑھتے وقت ایک دوست محمد بن جواد کو چوٹ آئی تو وہ بھی بیٹھ گیا، رینجرز چوکی کے قریب رینجرز سے مدد طلب کی، ایک اہلکار آیا، اس دوران طحہٰ کو آوازیں دی گئیں۔
ان کا کا کہنا تھا کہ طحہٰ کی طرف سے جواب آیا کہ وہ اوپر نہیں آسکتا جس کے بعد اہلکار ہمیں منال کی طرف لےگیا، جہاں زخمی ساتھی کی مرہم پٹی کی گئی، اہلکاروں نے ہماری تصاویر بنائیں اور ہم گاڑی بک کرا کر واپس آگئے۔
پولیس کو دیے گئے بیان میں لڑکوں نے بتایا کہ پولیس نے ہمیں 2 بار بلایا، ہم پولیس کے ساتھ طحہٰ کو ڈھونڈتے رہے، تلاش کے باوجود طحہٰ کے بارے میں کچھ معلوم نہ ہو سکا۔
تفتیشی افسر کے مطابق طحہٰ کا موبائل مسلسل آن رہا، بیٹری ختم ہونے پر بند ہوا، طحہٰ کے سیمپل آج رات لاہور بھجوائے جائیں گے۔