(ویب ڈیسک ) سینیٹر فیصل واوڈا نے بشریٰ بی بی کو بانی پی ٹی آئی عمران خان کی زندگی کیلئے خطرہ قرار دے دیا۔
سینیٹر فیصل واوڈا نے ایک انٹرویو میں عمران خان اور انکی اہلیہ بشریٰ بی بی سے متعلق گفتگو میں کہا کہ میں بانی پی ٹی آئی کی زندگی کیلئے بہت فکرمند ہوں، ان کی زندگی کو خطرہ ہے، اگر عمران خان کو بچانا ہے تو بشریٰ بی بی سے جان چھڑانی ہوگی۔
ان کا کہنا تھا کہ جب تک بشریٰ بی بی ساتھ ہیں، عمران خان کی نہ سیاست ہوگی اور نہ آزادی، بشریٰ بی بی کبھی عمران خان کو دہی کھلادیتی ہیں کبھی کچھ اور چیز ،یہ لوگ بانی پی ٹی آئی کی لاش پر سیاست کرنا چاہتے ہیں ۔
واضح رہے کہ اس سے قبل اپنے بیان میں سینیٹر فیصل واوڈا نے یہ بھی دعویٰ کیا تھا کہ پی ٹی آئی پر پابندی لگنے والی ہے، جلد ہی پی ٹی آئی سے مخلص لوگوں کی 'پی ٹی آئی پاکستان' بن جائےگی۔