بالی وڈ اسٹار کریتی سینن کا دلہا کون؟معروف کرکٹر نے بتا دیا

ویب ڈیسک :بالی ووڈ  سے خبر ہےکہ  ایک مشہور اداکارہ تجربہ کار کرکٹر مہندر سنگھ دھونی کے خاندان کا حصہ بننے جارہی ہیں۔ یہ اداکارہ دھونی کی بیوی ساکشی سنگھ کےکزن سے ڈیٹنگ کر رہی ہیں۔ پہلے ان کے رشتے کی صرف افواہیں تھیں لیکن اب ان کے کروڑ پتی بزنس مین  رشتہ دار نے خود ان کے تعلقات کی تصدیق کر دی ہے۔
  یہ حسینہ  کوئی اور نہیں بلکہ کریتی سینن ہیں، جن کے بارے میں خبریں ہیں کہ وہ این آر آئی بزنس مین کبیر بہیا کو ڈیٹ کر رہی ہیں۔ کافی عرصے سے ان کے افیئر کی خبریں آرہی تھیں۔ تاہم ان میں سے کسی نے بھی ان افواہوں پر کوئی رد عمل ظاہر نہیں کیا تھا۔ لیکن حال ہی میں کبیر بہیا نے کچھ ایسا کیا جس سے ان کے رشتے کی تصدیق ہوگئی۔

کبیر بہیا ایم ایس دھونی کے سالے ہیں۔ وہ دھونی کی بیوی ساکشی سنگھ کے کزن ہیں۔ جہاں کریتی سینن نے اپنی بہن نوپور کے ساتھ دھونی کی نیو ایئر پارٹی میں شرکت کی، وہیں کبیر بہیا بھی ان کے ساتھ تصاویر میں نظر آئے۔ رپورٹس پر یقین کیا جائے تو کریتی اور کبیر کی ملاقات کا اہتمام اداکار اکشے کمار نے کیا تھا۔
دراصل، کریتی سینن نے حال ہی میں اسٹیڈیم میں پرفارم کرتے ہوئے ایک ویڈیو شیئر کیا۔ اس پر ان کے بوائے فرینڈ کبیر بہیا نے تبصرہ کیا- 'میں مر گیا...' اب کبیر کے اس ردعمل کو دیکھ کر مداح ان کے رشتے کو کنفرم سمجھ رہے ہیں۔ ایک مداح نے لکھا- 'اسے آفیشل بناؤ بھائی۔'

آپ کو بتاتے چلیں کہ کبیر بہیا کریتی سینن سے 9 سال چھوٹے ہیں۔ کریتی کی عمر 34 سال ہے، کبیر کی عمر 25 سال ہے۔ کبیر بہیا کا تعلق برطانیہ میں مقیم ایک بزنس مین فیملی سے ہے۔ سنڈے ٹائمز کی 2019 کی امیروں کی فہرست کے مطابق، ان کے خاندان کی کل دولت 427 ملین روپے ہے۔