ویب ڈیسک: وزیردفاع خواجہ آصف نے افغان وفد کے مضحکہ خیز دعوے پر ردعمل دیتے ہوئے کہا ہے کہ چوروں کی طرح پاکستان میں گھسنے والے پناہ گزین نہیں بلکہ دہشتگرد ہیں۔
سماجی رابطوں کی ویب سائٹ ایکس پر اپنے جاری کردہ بیان میں وزیردفاع خواجہ آصف نے لکھا ہے کہ افغان وفد کا یہ دعویٰ کہ کالعدم ٹی ٹی پی کے دہشتگرد دراصل پاکستانی پناہ گزین ہیں جو اپنے گھروں کو واپس جا رہے ہیں، انتہائی مضحکہ خیز ہے۔
Afghan delegation’s claim that TTP terrorists are actually Pakistani refugees returning to their homes, absurd. He questioned how these so-called refugees could be returning armed with highly destructive weapons, not traveling openly by buses, trucks, or cars on main roads, but…
— Khawaja M. Asif (@KhawajaMAsif) October 30, 2025
انہوں نے سوال اٹھایا کہ یہ نام نہاد پناہ گزین آخر کس طرح اپنے گھروں کو لوٹ رہے ہیں جبکہ ان کے پاس تباہ کن ہتھیار موجود ہیں؟ وہ عام سڑکوں پر بسوں، ٹرکوں یا گاڑیوں میں سفر نہیں کر رہے بلکہ چوروں کی طرح دشوار گزار پہاڑی راستوں سے پاکستان میں داخل ہو رہے ہیں۔
انہوں نے مزید کہا کہ یہی دلیل افغانستان کی بدنیتی اور عدمِ خلوص کو بے نقاب کرتی ہے۔