(ویب ڈیسک ) یوٹیوب شارٹس میں نئے فیچرز شامل کر رہا ہے تاکہ کریئیٹرز کے لیے شارٹ فارم ویڈیوز کو ایڈٹ کرنا آسان ہو جائے۔
یوٹیوب کے اعلان کے مطابق، پانچ نئے فیچر شامل کیے جا رہے ہیں ، جن میں ایک جدید ویڈیو ایڈیٹر شامل ہے جو ایسے ایڈیٹنگ فیچرز فراہم کرتا ہے جو پہلے ہی ٹک ٹاک اور ریلز جیسے پلیٹ فارمز پر موجود ہیں۔
نیا ویڈیو ایڈیٹر ایسے ایڈجسٹمنٹس کی اجازت دیتا ہے جیسے کہ کلپس کو کاٹنا اور دوبارہ ترتیب دینا، فوٹیج کو زوم کرنا، اور ایڈیٹنگ ٹائم لائن ویو میں ٹیکسٹ اور میوزک کو اوورلے کرنا۔ کریئیٹرز اس ٹائم لائن ویو پر اپنی ایڈٹ کی گئی ویڈیو کو پریویو بھی کر سکیں گے، جسے شارٹس ایڈیٹر کے نیچے سے اوپر سوائپ کر کے ایکسیس کیا جا سکتا ہے۔
اس حوالے سے یوٹیوب کا کہنا ہے کہ یہ نئے فیچرز شارٹس ایڈیٹنگ کے عمل کو مزید آسان بنانے کے لیے کی جانے والی بہتریوں کا پہلا قدم ہیں۔
یوٹیوب شارٹس میں میوزک شامل کرنا بھی آسان بنا رہا ہے، جس سے کریئیٹرز کسی گانے کا انتخاب کر سکیں گے اور ان کے ویڈیو کلپس خودکار طور پر اس کی گانے کی دھن کے ساتھ ہم آہنگ ہو جائیں گے۔اس کے علاوہ، ویڈیو فلٹرز اور اوورلے جیسے ایفیکٹس بھی شارٹس ٹیمپلیٹس میں دستیاب ہوں گے، جس سے وائرل ٹرینڈز کو فالو کرنا مزید آسان ہو جائے گا۔
یوٹیوب کا کہنا ہے کہ ایک اور نیا فیچر بھی متعارف کرایا جائے گا، جس کے ذریعے صارفین اپنی گیلری سے امیج اسٹیکرز کو براہ راست شارٹس میں شامل کر سکیں گے۔ اس کے ساتھ ساتھ، ٹیکسٹ ٹو امیج اے آئی کے ذریعے اسٹیکر بنانے کا فیچر بھی دستیاب ہوگا، جہاں صارفین اپنی مرضی کے مطابق اسٹیکر کی وضاحت کر کے اپنی ویڈیوز میں زیادہ ذاتی نوعیت کا ٹچ شامل کر سکیں گے۔
یہ پہلا موقع نہیں ہے جب یوٹیوب شارٹس میں ٹک ٹاک جیسے فیچرز متعارف کرائے جا رہے ہوں۔ اس سے پہلے بھی یوٹیوب نے روبوٹک وائس اوورز اور ویوز کی گنتی کے نئے اصول متعارف کرائے تھے، جن میں ویڈیو کے چلتے ہی ویوز گننے کا فیچر شامل ہے۔
اگرچہ یہ نئے فیچرز ابھی تک شارٹس کریئیٹرز کے لیے دستیاب نہیں ہیں، لیکن یوٹیوب کے اعلان کا وقت قابل غور ہے۔ امریکامیں ٹک ٹاک کے لیے کسی مقامی خریدار کو تلاش کرنے یا پابندی کے خطرے کی آخری تاریخ قریب آ رہی ہے، اور ان نئے شارٹس فیچرز کی بدولت وہ کریئیٹرز کے لیے زیادہ جانا پہچانا اور پرکشش پلیٹ فارم بن سکتا ہے، جو جلد ہی کسی متبادل کی تلاش میں ہو سکتے ہیں۔