ویب ڈیسک: انگلینڈ کرکٹ بورڈ (ای سی بی) نے پاکستان کے خلاف تین ٹیسٹ میچوں کی سیریز کے ابتدائی دو میچز کے لیے 16 رکنی اسکواڈ کا اعلان کر دیا ہے، بین اسٹوکس کی ریٹائرمنٹ کے بعد جو روٹ پہلی ٹیسٹ کپتان کی حیثیت سے ٹیم کی قیادت کریں گے۔
اسکواڈ میں ڈین لارنس، اولی پوپ، سام کک اور برائیڈن کارس کی واپسی ہوئی ہے، جبکہ نوجوان بیٹر جورڈن کاکس کو بھی دوبارہ موقع دیا گیا ہے۔ وہ جیکب بیتھل کی جگہ ٹیم میں شامل ہوئے ہیں، جو گھٹنے کی انجری کے باعث سیریز کے ابتدائی دو ٹیسٹ میچز سے باہر ہو گئے ہیں۔
Joe Root is back as captain and some familiar faces also are making their return ???? pic.twitter.com/imQamKKjjr
— England Cricket (@englandcricket) August 6, 2026
انگلینڈ نے اسپنر شعیب بشیر پر اعتماد برقرار رکھا ہے، جبکہ فاسٹ بولنگ اٹیک میں جوفرا آرچر، گس اٹکنسن، میتھیو فشر، اولی رابنسن، برائیڈن کارس اور سام کک شامل ہیں۔ برائیڈن کارس انجری سے صحت یاب ہونے کے بعد ٹیسٹ ٹیم میں واپس آئے ہیں۔
چیف سلیکٹر مارکس نارتھ کا کہنا ہے کہ پاکستان جیسی مضبوط ٹیم کے خلاف تجربہ کار اور نوجوان کھلاڑیوں پر مشتمل متوازن اسکواڈ کا انتخاب کیا گیا ہے۔ انہوں نے کہا کہ ڈین لارنس چھٹے نمبر پر بیٹنگ کریں گے، جبکہ ان کی آف اسپن بولنگ ٹیم کو اضافی آپشن فراہم کرے گی، جس سے انگلینڈ کو چار فرنٹ لائن فاسٹ باؤلرز کے ساتھ میدان میں اترنے میں مدد ملے گی۔
پاکستان اور انگلینڈ کے درمیان تین ٹیسٹ میچوں کی سیریز کا آغاز 19 اگست سے ہوگا۔