ویب ڈیسک:جلال پورپیروالہ کے مقام پر دریائے چناب وچھہ سندیلہ میں سیلاب متاثرین کی ریسکیو کشتی اُلٹ گئی، افسوس ناک واقعہ میں 4 افراد جان کی بازی ہار گئے۔
ریسکیو ٹیم کےمطابق کشتی اُلٹنے سے ایک خاتون اور 3 کم عمر بچے دریا میں ڈوب کر جاں بحق ہوئے، ریسکیو اور مقامی افراد نے خاتون اور بچوں کی لاشیں دریا سے نکال لیں ۔
کشتی میں 25 سے زائد افراد کو ریسکیو کرکے محفوظ مقام پر منتقل کیا جارہا تھا ، حادثے میں 70 سالہ بخت سوائی، 6 سالہ فاطمہ، ماہ نور اور ریحان شامل ہیں ۔
عینی شاہدین کے مطابق کشتی گہرے پانی میں پہنچ کر توازن برقرار نہ رکھ سکی اور حادثے کا شکار ہوگئی۔