’پُشپا 2 دی رُول‘ ریلیز کے پہلے ہی دن بڑا ریکارڈ قائم

  ویب ڈیسک :الو ارجن اور رشمیکا مندنا کی ’پُشپا 2 دی رُول‘  فلم نے  برصغیر پاک وہند کی سب سے زیادہ کاروبارکرنے والی فلم کا اعزاز اپنے نام کر لیا۔
 این ڈی ٹی وی  کی رپورٹ کے مطابق ’پُشپا 2 دی رول‘ انڈین سینما کی تاریخ کی وہ فلم بن گئی ہے جس نے ریلیز کے ساتھ ہی سب سے بڑا کاروبار کیا ہے۔
’پُشپا 2 دی رُول‘ نے اس سے قبل ’آر آر آر‘ کا سب سے زیادہ کمائی کا ریکارڈ توڑ دیا ہے۔
 ایکشن سے بھرپور فلم سوکمار کی ہدایت کاری میں بنائی گئی ہے۔ فلم نے اپنی ریلیز کے پہلے روز 175کروڑ انڈین روپوں( 525 کروڑ پاکستانی روپے) سے زائد کا بزنس کیا ہے۔
اس سے قبل یہ ریکارڈ فلم ’آر آر آر‘ کے پاس تھا جس نے ریلیز کے پہلے روز 133 کروڑ انڈین روپوں کا بزنس کیا تھا۔
فلم کی پہلے دن کی کمائی کا ایک بڑا حصہ بنیادی طور پر تیگلو ورژن سے حاصل کیا گیا ہے۔
فلم کے تیگلو ورژن کی کمائی 95.1 کروڑ انڈین روپے ہے جبکہ تامل ورژن نے سات کروڑ، کنڑ ورژن نے ایک کروڑ، ملیالم ورژن نے پانچ کروڑ انڈین روپے کا کاروبار کیا ہے۔
فلم کے ہندی ورژن نے بھی اچھی خاصی کمائی کی ہے۔ ’پُشپا 2 دی رُول‘ کے ہندی ورژن نے 67 کروڑ انڈین روپے کا بزنس کیا ہے۔
’پُشپا 2 دی رُول‘ اوپننگ ڈے پر سب سے زیادہ کمائی کرنے والی فلم بن گئی ہے تاہم فلم نقادوں کا خیال ہے کہ رواں ہفتے کے اختتام تک فلم 250 کروڑ کا ہندسہ عبور کر جائے گی۔
’پشپا‘ کا سیکوئل سرخ چندن کی سمگلنگ کی کہانی کو جاری رکھے ہوئے ہے جس میں الو ارجن اپنے کردار پشپا راج کے طور پر دوبارہ دکھائی دے رہے ہیں جبکہ رشمیکا مندانا شری ولی کے کردار میں نظر آئیں گے۔
اس فلم کی کاسٹ میں جاگاپتی بابو، دھنانجایا، راؤ رمیش، سنیل اور اناسویا بھاردواج بھی شامل ہیں۔