کرکٹر راشد خان نے کہا ہے کہ اپنے ورلڈ کپ میچز کی تمام فیس زلزلہ متاثرین کو عطیہ کروں گا۔ افغان کرکٹر راشد خان نے ورلڈکپ میچز کی فیس زلزلہ متاثرین کو عطیہ کرنے کا اعلان کر دیا۔ راشد خان نے کہا افغانستان میں زلزلے سے ہونے والی تباہی کی افسوسناک خبر کا علم ہوا، اپنے ورلڈکپ میچز کی تمام فیس زلزلہ متاثرین کو عطیہ کروں گاَ۔ انہوں نے کہا کہ بہت جلد زلزلہ متاثرین کے امدادی فنڈ کی مہم کا اجرا بھی کریں گے، مخیر حضرات سے مدد کی اپیل کی جائے گی۔ افغانستان میں ہولناک زلزلے پر افغان ٹیم کے دیگر کھلاڑیوں نے بھی افسوس کا اظہار کیا ہے۔ خیال رہے کہ افغانستان کے صوبے ہرات میں گزشتہ روز آنے والے 6 اعشاریہ 3 شدت کا زلزلہ 2 ہزار سے زائد انسانی جانیں نگل چکا ہے۔