(محمد شکیل خان) انجری کے بعد منی ہاکی اسٹیڈیم لاہور میں سفیان خان اور حنان شاہد نےپریکٹس میچ میں حصہ لیا۔ پرولیگ سے قبل دونوں کھلاڑی انجریز کا شکار ہوگئے تھے۔
اس موقع پر سفیان خان نے کہاکہ اب بہتر محسوس کر رہا ہوں،پرو لیگ سے ایک روز قبل انجرڈ ہونا کافی مشکل وقت تھامگر ٹرینر اور فزیو نے کافی محنت کی اب کیمپ میں جا کر مکمل فٹنس حاصل کروں گا، سفیان خان کا کہنا تھا کہ میرا ہدف ہے کہ ورلڈکپ سے قبل مکمل فٹ ہو جاؤں فزیو نے کہا کہ 25 تاریخ تک مکمل میچ کھیل سکوں گا، سفیان نے کہا کہ ورلڈکپ میں سیمی فائنل تک رسائی اور پھر ایشین گیمز ہدف ہیں۔
اسٹرائیکر حنان شاہد نے کہاکہ دو بار مسلسل انجرڈ ہونا اور پھر ریکوری کرنا کافی مشکل تھا،اب ایک بارپھرٹریننگ شروع کردی ہے، ری ہیب کے دوران بھی ہاکی کے قریب رہا۔انجری کے بعد پہلی بار میچ کھیلنے کا احساس خوش آئند تھا۔
پرولیگ میں مایوس کن پرفارمنس پر حنان شاہد نے کہا کہ ٹیم کی پرفارمنس پر فینز کا ناراض ہونا بنتا ہے۔پرولیگ میں ٹیم کی پرفارمنس کافی مایوس کن رہی،فینز سے وعدہ کرتا ہوں کہ انہیں مایوس نہیں کریں گے،ایشین گیمز میں ہم پوری دنیا کو سرپرائز کریں گے۔