ویب ڈیسک: (شکیل خٹک) پی ایس ایل انتظامیہ پی ایس ایل کے باقی میچز ایک بار پھر سے پاکستان میں کرانے کے لئے پر امید،، ذرائع کے مطابق پی ایس ایل کےنظرثانی شدہ شیڈول میں پی ایس ایل کو 16 مئی سے شروع کرنے کا امکان ہے۔
تفصیلات کے مطابق پاک بھارت کشید گی کے بعد معطل ہونےوا لی پاکستان سپر لیگ کے لئے پاکستان کرکٹ بورڈ نے ایک بارپھر کوششیں شروع کر دی ہیں۔ ذرائع کے مطابق پی ایس ایل مینجمنٹ پاکستان سپر لیگ کو پاکستان میں ہی کرانے کاارادہ رکھ رہی ہے اور باقی تمام میچز پاکستان میں ہی کھیلے جائیں گے۔ پی ایس ایل کےنظرثانی شدہ شیڈول میں پی ایس ایل کو 16 مئی سے شروع کرنے کی تجویز دی گئی ہے ۔ پی ایس ایل کے اب تک گروپ اور ناک آؤٹ مرحلے کے 8 میچز ہوناباقی ہیں۔
اس حوالے سے پی ایس ایل مینجمنٹ اور فرنچائز ز مالکان کے درمیان آج اہم میٹنگ ہوگی۔ میٹنگ میں پی ایس ایل شیڈول کو حتمی شکل دی جائے گی۔ پی ایس ایل میچز لاہور اور پنڈی کرکٹ اسٹیڈیم میں کرانے کی تجویز دی گئی ہے ۔ فرنچائزز کی جانب سے حامی بھرنے کے بعد باقاعد ہ شیڈول جاری کیا جائےگا۔
دوسری جانب غیر ملکی کھلاڑیوں کی پی ایس ایل کے باقی میچز میں شرکت مشکوک نظر آرہی ہے۔ فرنچائزز کی غیر ملکی کھلاڑیوں کے ساتھ بات چیت جاری ہے۔ غیرملکی کھلاڑیوں کے نہ آنے کی صورت میں لوکل کھلاڑیوں کو شامل کیا جائےگا۔