ویب ڈیسک: اتوار کی شب ہونے والی 83ویں سالانہ گولڈن گلوب ایوارڈز کی تقریب میں فلم “Hamnet” کو بہترین موشن پکچر (ڈراما) قرار دیا گیا، جبکہ فلم کی اداکارہ جیسے بکلی نے بہترین اداکارہ کا ایوارڈ اپنے نام کیا۔
فلم “One Battle After Another” نے بہترین موشن پکچر (میوزیکل یا کامیڈی) کا اعزاز حاصل کیا۔ اس فلم نے مزید تین ایوارڈز بھی جیتے، جن میں ٹیانا ٹیلر کو بہترین معاون اداکارہ، جبکہ پال تھامس اینڈرسن کو بہترین ہدایت کار اور بہترین اسکرین پلے کے ایوارڈز شامل ہیں۔
روز برن نے فلم If I Had Legs I’d Kick You پر بہترین اداکارہ (میوزیکل یا کامیڈی) کا ایوارڈ جیتا، جبکہ ٹموتھی شالامیٹ کو فلم Marty Supreme پر بہترین اداکار (میوزیکل یا کامیڈی) قرار دیا گیا۔
ڈراما کیٹیگری میں فلم The Secret Agent پر ویگنر مورا نے بہترین اداکار کا ایوارڈ جیتا، جبکہ اسٹیلن اسکارسگارڈ نے Sentimental Value پر بہترین معاون اداکار کا اعزاز حاصل کیا۔
فلم KPop Demon Hunters کا گانا “Golden” بہترین اوریجنل سانگ قرار پایا، جبکہ یہی فلم بہترین اینیمیٹڈ موشن پکچر بھی بنی۔ The Secret Agent کو بہترین غیر انگریزی زبان کی فلم کا ایوارڈ ملا۔
لودوِگ گورانسن نے فلم Sinners پر بہترین میوزک اسکور کا ایوارڈ جیتا (یہ کیٹیگری اسٹیج پر پیش نہیں کی گئی)، جبکہ فلم نے بہترین سنیما اور باکس آفس اچیومنٹ کا ایوارڈ بھی حاصل کیا۔
ٹی وی کیٹیگریز میں The Pitt کو بہترین ڈراما سیریز قرار دیا گیا، جبکہ اسی سیریز کے لیے نوآ وائل نے بہترین اداکار (ڈراما سیریز) کا ایوارڈ جیتا۔
ریا سیہورن نے Pluribus پر بہترین اداکارہ (ڈراما سیریز) کا اعزاز حاصل کیا۔
The Studio کو بہترین میوزیکل یا کامیڈی سیریز قرار دیا گیا، جبکہ سیٹھ روگن نے اسی سیریز پر بہترین اداکار کا ایوارڈ جیتا۔
جین اسمارٹ نے Hacks پر بہترین اداکارہ (میوزیکل یا کامیڈی سیریز) کا ایوارڈ حاصل کیا۔
Adolescence کو بہترین لمیٹڈ سیریز یا ٹی وی مووی کا گولڈن گلوب ملا۔ اس سیریز کے لیے اووین کوپر نے بہترین معاون اداکار کا ایوارڈ جیت کر نیا ریکارڈ قائم کیا، جبکہ اسٹیفن گراہم اور ایرن ڈوہرٹی نے بھی ایوارڈز اپنے نام کیے۔
مشیل ولیمز (جو تقریب میں موجود نہیں تھیں) نے Dying for Sex پر ایوارڈ جیتا۔
Good Hang With Amy Poehler کو پہلی بار دیا جانے والا بہترین پوڈکاسٹ ایوارڈ ملا۔
اسٹینڈ اپ کامیڈی میں رکی جرویئس نے Ricky Gervais: Mortality پر بہترین پرفارمنس کا ایوارڈ حاصل کیا۔
تقریب کی میزبانی مسلسل دوسرے سال نکی گلیزر نے کی۔ شو امریکا میں CBS پر براہِ راست نشر ہوا اور Paramount+ پر اسٹریم کیا گیا۔
گولڈن گلوبز کے پروڈیوسر ڈک کلارک پروڈکشنز نے شاندار میزبانوں کی فہرست ترتیب دی، جبکہ گلین وائس اور رکی کرشنر 2026 کے گولڈن گلوبز کے ایگزیکٹو پروڈیوسرز کے طور پر واپس آئے۔
اہم ایوارڈز کی فہرست (منتخب)
بہترین موشن پکچر – ڈراما:
Hamnet (فاتح)
بہترین موشن پکچر – میوزیکل یا کامیڈی:
One Battle After Another (فاتح)
بہترین اینیمیٹڈ فلم:
KPop Demon Hunters (فاتح)
بہترین غیر انگریزی زبان کی فلم:
The Secret Agent — برازیل (فاتح)
جیسے بکلی (Hamnet)
ویگنر مورا (The Secret Agent)
بہترین اداکارہ – میوزیکل یا کامیڈی فلم:
روز برن
بہترین اداکار – میوزیکل یا کامیڈی فلم:
ٹموتھی شالامیٹ
بہترین ہدایت کار:
پال تھامس اینڈرسن
بہترین ڈراما ٹی وی سیریز:
The Pitt
بہترین میوزیکل یا کامیڈی ٹی وی سیریز:
The Studio
بہترین لمیٹڈ سیریز:
Adolescence
بہترین پوڈکاسٹ:
Good Hang With Amy Poehler