(ویب ڈیسک )سماجی رابطوں کے پلیٹ فارم ایکس نے صارفین کے پروفائلز کو مزید شفاف بنانے کے لیے ایک نیا فیچر متعارف کرانے کا فیصلہ کیا ہے۔ اس فیچر کا مقصد صارفین کو یہ جاننے میں مدد دینا ہے کہ جس اکاؤنٹ سے وہ بات کر رہے ہیں، وہ کسی حقیقی شخص کا ہے یا کسی بوٹ یا جعلی شناخت کا۔
ٹیکنالوجی ویب سائٹس کے مطابق، اس اپ ڈیٹ کے ذریعے اب پروفائلز پر کچھ اضافی تفصیلات نظر آئیں گی، جیسے کہ اکاؤنٹ کب بنایا گیا، یوزر کا مقام کیا ہے، یوزرنیم کتنی بار بدلا گیا اور ایکس پر اس کا استعمال کیسا رہا ہے۔
یہ اقدام مصنوعی ذہانت (AI) کی تیزی سے بڑھتی ہوئی صلاحیتوں کے تناظر میں اٹھایا گیا ہے، کیونکہ اے آئی کی مدد سے ایسے بوٹس بنانا آسان ہو چکا ہے جو بالکل انسانوں جیسی بات چیت کر سکتے ہیں۔
نئے فیچر کی مدد سے اگر کسی پروفائل پر ظاہر ہوتا ہے کہ صارف امریکا میں ہے، لیکن اس کی سرگرمی کسی اور ملک سے ہو رہی ہے، تو یہ تضاد مشکوک شناخت کی طرف اشارہ کر سکتا ہے۔
When you read content on X, you should be able to verify its authenticity. This is critical to getting a pulse on important issues happening in the world.
— Nikita Bier (@nikitabier) October 14, 2025
As part of that, we're experimenting with displaying new information on profiles, including which country an account is… pic.twitter.com/OYgT1OiJdA
ایکس اگلے ہفتے اس فیچر کو ابتدائی طور پر اپنی ٹیم کے کچھ اکاؤنٹس پر آزمائے گا تاکہ صارفین کے ردعمل اور تجاویز کو مدنظر رکھتے ہوئے اسے بہتر بنایا جا سکے۔
آنے والے وقت میں عام صارفین کو بھی یہ اختیار دیا جائے گا کہ وہ اپنی پروفائل پر یہ معلومات ظاہر کرنا چاہتے ہیں یا نہیں، تاہم اگر وہ ظاہر کرتے ہیں تو ان کے پروفائل پر اس حوالے سے نمایاں معلومات موجود ہوں گی۔