لاہور (ویب ڈیسک) پاکستان کے قومی ترانہ کے خالق، لیجنڈ شاعری اور نامور نثر نگار حفیظ جالندھری کی بیوہ خورشید بیگم کا انتقال ہو گیا ہے۔
تفصیلات کے مطابق بیگم خورشید حفیظ کا انتقال 87 سال کی عمر میں ہوا۔ وہ لاہور میں مقیم تھیں۔ پچھلے کچھ عرصہ سے علیل بھی تھیں۔ ان کی نماز جنازہ جامع مسجد جی بلاک ماڈل ٹاؤن لاہور میں ادا کی گئی۔
اسپیکر @AsadQaiserPTI نے قومی ترانہ کے بانی اور شاعر حفیظ جالندھری کی زوجہ محترمہ کے انتقال پر دلی دکھ اور افسوس کا اظہار کیا۔انہوں نے اللہ تعالی سے دعا کی کہ مرحومہ کو جنت الفردوس میں اعلیٰ مقام اور لواحقین کو صبر جمیل عطا فرمائے۔ pic.twitter.com/AQ55Z3Jvxg
— Speaker-National Assembly of Pakistan (@NASpeakerPK) May 18, 2021
خیال رہے کہ خورشید بیگم نے پاکستان کے پہلے وزیراعظم لیاقت علی خان کی اہلیہ اور اپنے وقت کی نامور سماجی کارکن بیگم رعنا لیاقت علی کے ساتھ تحریک پاکستان کے لیے بھی کام کیا تھا۔