ویب ڈیسک: بالی ووڈ چھوڑنے کی وجہ بیان کرتے ہوئے پریانکا چوپڑا نے کہا کہ وہ کبھی بھی بھارت کی فلم انڈسٹری کو چھوڑنا نہیں چاہتی تھیں، مگر انہیں اپنے لیے مزید دلچسپ مواقع کی تلاش میں یہ قدم اٹھانا پڑا۔
ایک حالیہ انٹرویو میں اداکارہ نے انکشاف کیا کہ بالی ووڈ میں محدودیت محسوس ہو رہی تھی اور دباؤ میں آ کر انہیں ہالی ووڈ اور دیگر شعبوں میں کام کرنے کا فیصلہ کرنا پڑا۔ پریانکا نے وضاحت کی کہ یہ تبدیلی ان کے لیے دستیاب مواقع پر مبنی تھی، اور انہیں ایک فنکار کے طور پر مزید چیلنجز درکار تھے۔
پریانکا نے مزید کہا کہ وہ ہمیشہ بھارت واپس آ کر کام کرنے کی خواہش رکھتی تھیں، اور اب راجامولی کے پروجیکٹ کی شوٹنگ کے دوران بھارت میں کام کر رہی ہیں۔ اس کے ساتھ ہی وہ اپنی حالیہ فلم "دی بلف" کی پروموشن کے لیے نیویارک میں بھی مصروف ہیں۔
اداکارہ نے کہا کہ ان دونوں انڈسٹریز میں کام کرنا ان کے لیے خوشی کی بات ہے اور وہ نہیں چاہتیں کہ انہیں دونوں میں سے کسی ایک کا انتخاب کرنا پڑے، کیونکہ دونوں ثقافتوں اور کام کے طریقوں میں کافی فرق ہے، اور ان کا تجربہ دونوں میں منفرد ہے۔