ویب ڈیسک: کرغزستان میں پھنسے پاکستانی طلبا کی وطن واپسی کا سلسلہ جاری ہے۔ بشکیک سے 205 طلبا کو لے کر پی آئی اے کی پرواز کراچی پہنچ گئی۔
تفصیلات کے مطابق کراچی ائیر پورٹ وزیراعلیٰ سندھ سید مراد علی شاہ نے طلبا کا استقبال کیا۔
وزیراعلیٰ سندھ کا کہنا تھا کہ وطن واپس آنے والے طلبہ میں سے 99 کا تعلق کراچی ہے۔ حکومت سندھ بچوں کے والدین اور کرغزستان میں پاکستانی سفارتخانے سے رابطے میں تھی۔ مزید 180 طالبعلم کرغزستان میں ہیں جن میں 6 زخمی بھی شامل ہیں ۔ کوشش کر رہے ہیں کہ ان کے لیے خصوصی فلائٹ بھیجوں۔
ترجمان وزیراعلیٰ سندھ کے مطابق واپس آنے والوں میں حیدرآباد کے 22، خیرپور کے 13، نوشہرو فیروز کے 15، سکھر کے 12، نواب شاہ کے 12، بدین کے 5، دادو کے 5 طلبہ شامل ہیں ہیں۔
میرپورخاص کے 5، جیکب آباد5 ، ٹنڈو آدم 3، جامشورو، کندھکوٹ، پنو عاقل، تھرپارکر کا ایک ایک اور کشمور کے 2 طلبہ بھی واپس پہنچے ہیں۔
کرغستان میں پھنسے طالب علموں کیلئے آواز اٹھانے اور مدد کرنے پر طالب علموں نے وزیراعلیٰ سید مراد علی شاہ کا شکریہ ادا کیا۔