ویب ڈیسک : حماس نے اسرائیلی یرغمالی اربیل یہود کو رہا کرنیکا فیصلہ کرلیا ،جس کے بعدبے گھر فلسطینیوں کی غزہ واپسی شروع ہوگئی۔
حماس کیجانب سے بتایا گیا ہے کہ یرغمال اسرائیلی شہری اربیل یہود کو جمعے سے پہلے دو دیگر یرغمالیوں کے ساتھ اسرائیل کے حوالے کر دیا جائےگا۔ اور (آج)پیر کو اسرائیلی حکام فلسطینیوں کو شمالی غزہ واپس جانے کی اجازت دیدی گئی ہے۔
اس امرکا قطر نے آج اعلان کیا ہے کہ، بے گھر فلسطینیوں کے شمالی غزہ میں واپسی کا راستہ اب صاف ہو گیا ہے۔
اعلان میں کہا گیا ہے کہ اسرائیل اور حماس کے درمیان نازک جنگ بندی کے پہلے بڑے بحران کو کم کرتے ہوئے، ایک اسرائیلی شہری یرغمالی کو رہا کرنے کے بدلے فلسطینیوں کو شمالی غزہ واپس جانے کی اجازت دینے کے لیے ایک معاہدہ طے پا گیا ہے۔
اسرائیلی وزیر اعظم بنجمن نتن یاہو کے دفتر سے ایک بیان جاری کیا گیا ہے جس میں کہا گیا ہے کہ، یرغمالیوں کی رہائی، جس میں سپاہی اگام برجر اور اربیل یہود بھی شامل ہوں گے جمعرات کو ہو گی۔
بیان میں اس بات کی تصدیق کی گئی ہے کہ فلسطینی (آج)پیر کو شمال کی طرف بڑھ سکتے ہیں۔ اسرائیلی فوج نے کہا کہ لوگ صبح سات بجے سے پیدل گزرنا شروع کر سکتے ہیں۔
حماس نے جمعرات کو غزہ سے یرغمال اربیل یہود کو رہا کرنے پر رضامندی ظاہر کرتے ہوئے مشرق وسطیٰ کے جنگ بندی معاہدے کے پہلے بڑے بحران کو کم کیا ہے۔
یادرہے اسرائیل نے اربیل یہود کی واپسی کا بہانہ بنا کر غزہ امن معاہدے پر عمل درآمد معطل کردیا تھا۔
اسرائیلی وزیر اعظم نیتن یاہو نے ایک بیان میں اعلان کیا تھا کہ فلسطینیوں کو عبور کرنے کی اجازت نہیں دی جائے گی اور نیتساریم کراسنگ کو اس وقت تک نہیں کھولا جائے گا جب تک اسیر اربیل یہود کی رہائی کا انتظام نہیں کر دیا جاتا۔
تاہم اب اسرائیلی وزیر اعظم کے دفتر نے ٹیلی گرام پر تصدیق کی کہ محترمہ یہود، اگام برجر، ایک سپاہی، اور ایک اور قیدی کو رہا کر دیا جائے گا، اس کے بدلے میں اسرائیل نے فلسطینیوں کو پیر کے روز پٹی کے شمالی حصے میں واپس جانے کی اجازت دی ہے۔
العربیہ کے ذرائع کے مطابق اربیل یہود کو عمر قید کی سزا پانے والے 30 فلسطینیوں کے بدلے رہا کیا جائے گا۔
اربیل یہودکون ہے ؟
اربیل یہود کی عمر 28 سال ہے وہ 7 اکتوبر 2023 کو اپنے بوائے فرینڈ ایریل کونیو کے ساتھ کبوتز نیر اوز سے پکڑی گئی تھی۔
اس کا بھائی ڈولیو اسی دن مارا گیا تھا۔ اپنی حراست سے قبل اربیل ایشکول ریجنل کونسل کے گروبٹیک ٹیکنالوجی کمپلیکس میں بطور خلائی پائلٹ کام کر رہی تھیں۔ اسی بنا پر اسلامک جہاد اربیل کو شہری نہیں بلکہ فوجی قرار دیتی ہے۔