ویب ڈیسک:دوحہ میں جاری ماسٹرز ایشین ویٹ لفٹنگ چیمپئن شپ میں پاکستان نے تیسرا گولڈ میڈل جیت لیا۔
تفصیلات کے مطابق دوحہ میں جاری ایشین ماسٹرز ویٹ لفٹنگ چیمپئن شپ میں پاکستانی ویٹ لفٹرز کی عمدہ کارکردگی کا سلسلہ جاری ہے جہاں پاکستان نے ایونٹ میں تیسرا گولڈ میڈل بھی جیت لیا۔
دوحہ میں ایشین ماسٹرز ویٹ لفٹنگ چیمپئن شپ کے دوسرے روز پاکستان کے کاشف ریحان نے 102 کلو گرام ویٹ کیٹیگری میں کارنامہ انجام دیا, 45 سال کے ایج گروپ میں شامل کاشف ریحان نے 170 کلو گرام وزن اٹھایا، کاشف ریحان نے اسنیچ میں 70 اور کلین اینڈ جرک میں 100 کلو گرام وزن اٹھایا۔
یا د رہے کہ گزشتہ روز پاکستان کے رشید خان نے 89 کلو گرام ویٹ کیٹیگری میں گولڈ میڈل حاصل کیا، وہ 50 سالہ ایتھلیٹس کے گروپ میں شریک تھے۔
پاکستان کے عبدالمالک نے برانز میڈل جیتا, 51 سالہ عبدالمالک نے ٹوٹل 193 کلو گرام وزن اٹھایا،انہوں نے اسنیچ ایونٹ میں 93 اور کلین اینڈ جرک میں 100 کلو گرام وزن اٹھایا۔
پاکستان کی 3 خواتین نیلم ریاض، سیبل سہیل، نادیہ مقصود بھی ایکشن میں نظر آئینگی، دوحہ میں جاری ایشین ماسٹرز چیمپئن شپ 31 مئی تک جاری رہے گی۔
ایشین ویٹ لفٹنگ چیمپیئن شپ میں 3گولڈ اور ایک برانز میڈل کیساتھ پاکستان کے تمغوں کی تعداد 4 ہوگئی ہے۔