(ویب ڈیسک ) امریکی صدر ٹرمپ نے 'غیر قانونی مظاہروں' پر طلبہ کو ملک بدر کرنے کا اعلان کردیا۔
امریکی صدر ڈونلڈ ٹرمپ نے کہا کہ وہ ان یونیورسٹیوں کے لیے فنڈز میں کٹوتی کریں گے جو "غیر قانونی" مظاہروں کی اجازت دیتی ہیں اور اس میں شرکت کرنے والے غیر ملکی طلبہ کے خلاف قانونی کارروائی اور ملک بدر کریں گے۔
اپنے سوشل میڈیا پلیٹ فارم ٹروتھ پر امریکی صدر ٹرمپ نے کہا کہ ایسے اسکولوں کے لیے "تمام وفاقی فنڈنگ بند ہو جائے گی" جو طلباء کو غیر قانونی طور پر احتجاج کرنے کی اجازت دیتے ہیں۔
خیال رہے کہ ٹرمپ کا یہ اعلان غزہ میں اسرائیل کی جنگ کے خلاف بڑے پیمانے پر طلباء کے احتجاج کے امریکی کالج کیمپس بشمول نیویارک کی کولمبیا یونیورسٹی اور یونیورسٹی آف کیلی فورنیا، لاس اینجلس (UCLA) میں پھیلنے کے بعد سامنے آیا ہے۔
ٹرمپ نے کہا کہ امریکی طلباء کو نکال دیا جائے گا۔
امریکی صدر ٹرمپ نے یہ واضح نہیں کیا کہ "غیر قانونی" احتجاج کیا ہوگا۔ لیکن احتجاج کا حق امریکی آئین کی پہلی ترمیم کے ذریعے محفوظ ہے۔
فاؤنڈیشن برائے انفرادی حقوق اور اظہار، جسے فائر بھی کہا جاتا ہے، نے ٹرمپ کے اعلان کی فوری مذمت کی۔
بیان میں کہا گیا ہے کہ "کالجز غیر قانونی طرز عمل کا جواب دے سکتے ہیں اور دینا چاہیئے ، لیکن صدر کے پاس وفاقی فنڈز کو منسوخ کرنے کا یکطرفہ اختیار نہیں ہے، یہاں تک کہ ان کالجوں کے لیے جو 'غیر قانونی' احتجاج کی اجازت دیتے ہیں۔"