ویب ڈیسک: مقبوضہ کشمیر کے علاقے بڈگام کی ایک ویڈیو سوشل میڈیا پر وائرل ہو رہی ہے جس میں ایک مقامی شہری پاکستان کی سفارتی کوششوں اور عسکری قیادت کی تعریف کر رہا ہے۔
ویڈیو میں شہری نے بڈگام سے پاکستانی عوام کو مخاطب کرتے ہوئے چیف آف ڈیفنس فورسز فیلڈ مارشل عاصم منیر کے لیے نیک خواہشات کا اظہار کیا ہے۔
ویڈیو پیغام میں شہری کا کہنا ہے کہ امریکا اور ایران کے درمیان جنگ بندی میں پاکستان کے کردار پر ہر کشمیری خوش اور دعاگو ہے۔
A Kashmiri youth from Budgam (Occupied Kashmir) sends a unique, heartfelt message to Field Marshal Asim Munir.
— Taha (@Iam_Taha22) April 9, 2026
مقبوضہ کشمیر کے علاقے بڈگام سے کشمیری نوجوان کا فیلڈ مارشل عاصم منیر سے انوکھا محبت بھرا پیغام pic.twitter.com/mb7pdYbcXA
وائرل ویڈیو میں شہری کو کہتے سنا جا سکتا ہے کہ مقبوضہ کشمیر بڈگام سے تمام پاکستانی بھائیوں اور بہنوں کو سلام، فیلڈ مارشل عاصم منیر آج ہر کشمیری آپ کے لیے دعا کر رہا ہے کہ آپ نے امریکا ایران جنگ رکوانے میں کردار ادا کیا۔
شہری نے بھارتی میڈیا کو تنقید کا نشانہ بناتے ہوئے کہا ہے کہ گودی میڈیا اس پیش رفت کے بعد خاموش دکھائی دے رہا ہے، پاکستان کی قیادت پر تنقید کرنے والے موجود رہیں گے لیکن قافلے چلتے رہیں گے۔
انہوں نے اپنے پیغام میں کہا کہ اگر خدا ساتھ ہو تو کوئی نقصان نہیں پہنچا سکتا، چاہے پوری قوم مخالف کیوں نہ ہو، میں فیلڈ مارشل عاصم منیر سے محبت کرتا ہوں، کشمیر ان سے محبت کرتا ہے۔