ویب ڈیسک: بھارتی کرکٹر اکاش کمار چودھری نے رانجی ٹرافی کے ایک شاندار میچ میں ناقابلِ یقین بیٹنگ کا مظاہرہ کرتے ہوئے فرسٹ کلاس کرکٹ کی تاریخ میں نیا ریکارڈ قائم کر دیا۔
انہوں نے لگاتار آٹھ چھکے مار کر نہ صرف کرکٹ کے دو عظیم کرکٹرز، سر گارفیلڈ سوبرز اور روی شاستری کا برسوں پرانا ریکارڈ توڑ دیا، بلکہ صرف 11 گیندوں پر فرسٹ کلاس کرکٹ کی تیز ترین نصف سنچری بھی مکمل کی۔
یہ شاندار کارکردگی بھارتی ریاست گجرات کے شہر سورت میں میگھالیہ اور اروناچل پردیش کے درمیان رانجی ٹرافی پلیٹ گروپ کے میچ کے دوسرے دن سامنے آئی۔ میگھالیہ کی ٹیم جب 576 رنز پر 6 وکٹیں گنوا چکی تھی، تو 25 سالہ اکاش نے نمبر آٹھ پر بیٹنگ کا آغاز کیا۔
???? Record Alert ????
— BCCI Domestic (@BCCIdomestic) November 9, 2025
First player to hit eight consecutive sixes in first-class cricket ✅
Fastest fifty, off just 11 balls, in first-class cricket ✅
Meghalaya's Akash Kumar etched his name in the record books with a blistering knock of 50*(14) in the Plate Group match against… pic.twitter.com/dJbu8BVhb1
ابتداء میں چند سنگلز لینے کے بعد، اکاش نے بائیں ہاتھ کے اسپنر لیمار دابی کے ایک اوور میں لگاتار چھ چھکے مارے، جس سے انہوں نے سر گارفیلڈ سوبرز (1968) اور روی شاستری (1985) کے ریکارڈز توڑ ڈالے۔ اگلے اوور میں، آف اسپنر ٹی این آر موہت کی دو ابتدائی گیندوں پر بھی اکاش نے دو چھکے جڑ دیے، یوں وہ فرسٹ کلاس کرکٹ میں آٹھ لگاتار چھکے مارنے والے پہلے کھلاڑی بن گئے۔
میگھالیہ کی ٹیم نے 629 رنز پر اننگز ڈکلیئر کر دی، اس وقت اکاش چودھری 14 گیندوں پر 50 رنز بنا کر ناقابلِ شکست پویلین واپس لوٹے۔