(ویب ڈیسک ) مزدا ٹرک کی چنگ چی رکشہ کو ٹکر ، افسوسناک واقعہ میں 3 افراد جاں بحق ہوگئے۔
تفصیلات کے مطابق لاہور کے علاقہ سندر میں مزدا ٹرک اور چنگچی رکشہ کے درمیان تصادم ہوا ہے۔تصادم کے نتیجے میں 2 خواتین سمیت تین افراد جاں بحق ہوگئے ہیں ۔افسوسناک حادثے میں 2 افراد زخمی بھی ہوئے ہیں جن کو ہسپتال منتقل کردیا گیا ہے۔
ریسکیو حکام کا کہنا ہے کہ چنگچی رکشہ میں 5 افراد سوار تھے۔
اس حوالے سے پولیس کا کہنا ہے کہ جاں بحق ہونے والے افراد کی لاشیں مردہ خانہ منتقل کردی گئیں۔ پولیس نے قانونی کاروائی کا آغاز کردیا۔