ویب ڈیسک : پاکستان کی نوجوان نسل کی مقبول ترین سواری۔۔۔ سوزوکی نے اپنے ماڈل’’ ویگن آر ’’ کی بکنگ مستقل طور پر بند کردی۔
پاک سوزوکی کا مقبول ترین ہیچ بیک ماڈل ’ سوزوکی ویگن آر’ آئندہ پاکستان میں دست یاب نہیں ہوگا۔
رپورٹ کے مطابق سوزوکی کمپنی نے ویگن آر کا ٹاپ ویرینٹ کئی ماہ پہلے بند کر دیا تھا، اور اب تمام ویریئنٹس پر پابندی لگا دی ہے ۔
ڈیلرشپ کو بھیجے گئے نوٹس میں، پاک سوزوکی نے اعلان کیا کہ ویگن آر کی بکنگ کی معطلی 11 مارچ 2025 سے نافذ العمل ہوگی۔ کمپنی نے ڈیلرز کو بھی ہدایت کی کہ وہ اپنی سیلز ٹیموں اور ممکنہ خریداروں کو اس فیصلے سے آگاہ کریں۔
پاکستان میں 2014 میں متعارف کرائی گئی، ’ ویگن آر’ نے اپنے کھلے ڈلے کیبن اور کم فیول استعمال کرنے کی بدولت صارفین میں مقبولیت حاصل کی۔ ویگن آر کے تین ماڈلز متعارف کرائے گئے تھے — VX، VXR، اور VXL — بیس ماڈل وی ایکس کو بعد میں بند کر دیا گیا۔ 2020 میں، آٹومیٹک ٹرانسمیشن اور اضافی حفاظتی خصوصیات کے ساتھ ایک AGS ویرینٹ متعارف کرایا گیا۔
بکنگ روکنے کے فیصلے نے نئے ماڈل کے بارے میں قیاس آرائیوں کو جنم دیا ہے۔ تاہم وقت کے ساتھ فروخت میں کمی کے ساتھ، ویگن آر کا بند ہونا پاکستان کی سب سے زیادہ پہچانی جانے والی ہیچ بیکس میں سے ایک کے دور کے خاتمے کی علامت ہے۔