پبلک نیوزوزیراعظم نے ہائڈرو پاور ڈیویلپمنٹ کے حوالے سے منعقدہ بین الاقوامی سمپوزیم سے خطاب میں کہا کہ پی ٹی آئی والے گھبرائے ہوئے نہیں، ان کی سخت تربیت کی ہے، گھبرا وہ رہے ہیں جو چوہدری شجاعت کی طبیعت پوچھنے پہنچ رہے ہیں.
ان کا کہنا تھا کہ ہم نے الیکشن کا سوچنے کے بجائے لانگ ٹرم پلاننگ کی، جو گھبرائے ہوئے ہیں انہیں اب چودھری شجاعت کی صحت یاد آئی، ہمیں چودھری برادران پر پورا اعتماد ہے .
تحریک انصاف کی ٹریننگ ایسی کی ہے کہ وہ گھبراتے نہیں ہیں لیکن جن لوگوں کو آج چوہدری شجاعت کی صحت کا خیال آ گیا ہے وہ ضرور گھبرائے ہوئے ہیں۔ وزیراعظم عمران خان pic.twitter.com/ixeIERD9cB
— PTI Azad Kashmir (@PTIAJK_Official) February 14, 2022
ان کا کہنا تھا کہ ملک میں ڈیم نہ بننے کی وجہ سے بہت نقصان ہوا، کالاباغ ڈیم بہت اچھی سائٹ پر ہے،ہماری آبادی بڑھ رہی ہے اور وسائل کم ہو رہے ہیں،کالاباغ ڈیم پر سندھ حکومت کو قائل کرنا ہوگا. ڈیمز سے پانی کا مسئلہ کم ہوتاہے ، زمینوں کے لیے پانی تک رسائی ممکن ہوتی ہے،ہم نے اب تک صرف 2 بڑے ڈیم بنائے.
اس سے قبل مسلم لیگ ق کے رہنماء مونس الہٰی نے کہا ہے کہ گھر آنے والوں کو ملنا اور ویلکم کرنا ہمارا کام ہے، وزیراعظم اپنے ساتھیوں سے کہہ دیں گھبرانا نہیں۔
پاکستان میں ہائیڈرو پاور ڈویلپمنٹ کے حوالے سے منعقدہ عالمی سمپوزیم سے خطاب کرتے ہوئے وفاقی وزیر آبی وسائل مونس الہٰی کا کہنا تھا کہ سیاسی لوگ تعلقات بناتے اور نبھاتے ہیں، ہم سیاسی لوگ ہیں، لوگوں سے ملنا ہمارا کام ہے۔ انہوں نے کہا کہ پاکستان کیلئے نئے ڈیمز بنانا بہت ضروری ہے، جلد کالا باغ ڈیم کا پروپوزل کابینہ میں لے کر جائیں گے۔
مونس الہیٰ نے شہباز شریف سے ملاقات پر وزیراعظم کے سامنے آن ائیر بڑا اعلان کر دیا۔ یہ تماشا لگا ہوا ہے اگر کوئی گھر آئے تو مہمان نوازی کرنی پڑتی ہے، لیکن وزیراعظم صاحب ہم آپ کے ساتھ ہیں تعلق نبھائیں گے آپ تحریک انصاف کے دوستوں سے تگڑے ہو کر کہ دیں کہ گھبرانا نہیں ہے۔ pic.twitter.com/pUlSgI7AIc
— Waleed Akbar khan Niazi (@waleedKhanZpti) February 14, 2022