ویب ڈیسک: جرمنی کے 3 روزہ دورے پر موجود بھارتی وزیر دفاع راج ناتھ سنگھ ایک سب میرین میں داخل ہوتے ہوئے گر گئے، اور اس واقع کی ویڈیو سوشل میڈیا پر وائرل ہو گئی ہے۔
راج ناتھ سنگھ نے دورے کے آخری روز تھیسن کروپ میرین سسٹمز (TKMS) کے شپ یارڈ کا دورہ کیا، جہاں انہوں نے ٹائپ 212 آبدوز کا معائنہ کیا۔ اس موقع پر کمپنی کے حکام نے انہیں آبدوز کی تکنیکی صلاحیتوں سے آگاہ کیا اور اندرونی جائزہ لینے کی دعوت دی۔
Indian Defense Minister Rajnath Singh while trying to board a German Submarine during his official visit to Germany. pic.twitter.com/ibhbLlHLVm
— Pakistan Strategic Forum (@ForumStrategic) April 24, 2026
ویڈیو میں دیکھا جا سکتا ہے کہ بھارتی وزیر دفاع آبدوز کے تنگ راستے کی وجہ سے پھنس گئے اور تھوڑا گھبرا کر پھسل بھی گئے، جس کے بعد عملے کی مدد سے انہیں باہر نکالا گیا۔ اطلاعات کے مطابق، راج ناتھ سنگھ نے دوبارہ آبدوز میں داخل ہونے سے انکار کر دیا۔
واضح رہے کہ راج ناتھ سنگھ کا یہ سرکاری دورہ 21 سے 23 اپریل تک جاری رہا۔ اس دوران بھارت اور جرمنی کے درمیان دفاعی صنعتی تعاون کے روڈ میپ پر تبادلہ خیال ہوا اور اقوامِ متحدہ کے امن مشنز کی تربیت میں تعاون کے لیے ایک عملی معاہدے پر دستخط کیے گئے۔