ویب ڈیسک: پاکستان تحریک انصاف کی تنظیم اور امیدواران اتوار کو ملک بھر میں اور خصوصاً پنجاب میں اپنی باضابطہ انتخابی مہم کا آغاز کریں گے۔
سماجی رابطوں کی ویب سائٹ ایکس پر جاری کردہ بیان میں ترجمان تحریک انصاف نے کہا ہے کہ سابق چیئرمین پی ٹی آئی عمران خان کی ہدایات کی روشنی میں تحریک انصاف کی قومی و صوبائی اسمبلی کے امیدوار اپنی پرامن سیاسی و انتخابی سرگرمیوں کا آغاز کریں گے۔
ترجمان پی ٹی آئی کا کہنا ہے کہ قوم اڈیالہ جیل میں بے گناہ قید اپنے لیڈر اور تحریک انصاف کے ساتھ کھڑی ہے، قومی انتخابات پر جبر و فسطائیت اور بدترین دھاندلی کے گہرے بادلوں کے باوجود تحریک انصاف جمہوری انداز میں ملک کو دستور و قانون کی طرف لے جانے کی کوششیں کررہی ہے، عوام کے حقِ رائے دہی پر ڈاکے کی تمام تر کوششیں عوام کی تائید و معاونت سے ہی کامیاب بنائیں گے۔
تحریک کے ترجمان کے مطابق پرامن سیاسی و انتخابی سرگرمیوں کا حق ہمیں دستور دیتا ہے، ریاستی مشینری آئین کا احترام کرے جبکہ عدالتِ عظمیٰ دستور کی بالادستی کو یقینی بنائے۔
ترجمان پی ٹی آئی کا مزید کہنا ہے کہ خوف اور غلامی کے بت توڑ کر نکل رہے ہیں، عمران خان کی قیادت میں ملک و قوم کو حقیقی آزادی دلوائیں گے۔