زبردستی اور دھونس سے ن لیگ کو کشمیر میں الیکشن چوری کرنے نہیں دینگے، شرجیل انعام میمن 

(ویب ڈیسک)   وزیر اطلاعت سندھ شرجیل انعام میمن کا کہنا ہے کہ زبردستی اور دھونس سے ن لیگ کو کشمیر میں الیکشن چوری کرنے نہیں دینگے۔

شرجیل انعام میمن کا کہنا ہے کہ ن لیگ اپنے بدمعاشوں اور غنڈوں کو لغام دے، زبردستی اور دھونس سے ن لیگ کو کشمیر میں الیکشن چوری کرنے نہیں دینگے، ن لیگ سمجھتی ہے کہ ہر کوئی بکاؤ مال ہے، لالچ دے کر وہ سب کو خرید سکتے ہیں۔

انہوں نے کہا کہ ن لیگ کے گلو بٹوں نے پیپلز پارٹی کے ایک ورکر کو شہید کرکے اپنی  فاشسٹ روایت کو برقرار رکھا ، ن لیگ کے امیدوار وں کی جانب سے اسلحہ کے آزادانہ استعمال  پر الیکشن کمیشن کے خاموشی افسوسناک  امر ہے ۔

وزیر اطلاعات سندھ  کا کہنا ہے کہ ن لیگ اپنی شکست کو دیکھ کر اوچھے ہتھکنڈوں پر اتری ہوئی ہے، لیگ ن 2014 کی طرح   کشمیر میں  خیرات کا مینڈیٹ حاصل کرنا چاہتی ہے ،خیراتی مینڈیٹ والی اور فارم 47 کی پیداوار ن لیگ   کشمیر میں ماحول خراب کر رہی ہے ۔

انہوں نے کہا کہ کشمیری عوام پرامن ہیں،  اور وہ ن لیگ کے دوہرے اور اوچھے ہتھکنڈوں سے اچھی طرح واقف ہیں، ن لیگ کی قیادت  کان کھول کر سن لے کہ کشمیر کو پرامن ماحول کو خراب ہونے نہیں دینگے، ن لیگ کی  جانب سے انتخابی ضابطہ اخلاق کی خلاف ورزیوں پر الیکشن کمیشن  کی خاموشی سمجھ سے باہر ہے۔