متاثرہ خاتون نے پولیس کو دیے گئے بیان میں بتایا کہ زیادتی کا نشانہ بنانے والوں میں سے ایک ملزم گول گپے فروخت کرتا ہے، ملزم نے زکوٰۃ دینے کے بہانے بلایا اور دیگر ساتھیوں کیساتھ زیادتی کی، ملزمان کے ڈر سے خاموش رہی، ان کے ورثا صلح کیلئے مجبور کرتے رہے۔دوسری جانب وزیراعلیٰ پنجاب نے خاتون سے مبینہ اجتماعی زیادتی کا نوٹس لیتے ہوئے فرار ملزم کی بھی فوری گرفتاری کا حکم دیا ہے جب کہ عثمان بزدار نے آر پی او سے واقعے کی رپورٹ طلب کی ہے۔گوجرانولہ پولیس نے بھکاری خاتون کے ساتھ اجتماعی زیادتی کرنے والے 2 ملزمان کو گرفتار کر لیا، تیسرے ملزم کی گرفتاری کے لیے چھاپے مارے جا رہے ہیں۔ ملزمان کے خلاف سخت قانونی کاروائی عمل میں لائی جائے گی۔@CPOGujranwala https://t.co/7G6qZa5w6T pic.twitter.com/g0cmZ4uGck
— Punjab Police Official (@OfficialDPRPP) December 29, 2021
سماجی رابطوں کی ویب سائٹ ٹوئٹر پر پنجاب پولیس آفیشل کی جانب سے بتایا گیا کہ گوجرانولہ پولیس نے بھکاری خاتون کے ساتھ اجتماعی زیادتی کرنے والے 2 ملزمان کو گرفتار کر لیا جبکہ تیسرے ملزم کی گرفتاری کے لیے چھاپے مارے جا رہے ہیں۔ ملزمان کے خلاف سخت قانونی کاروائی عمل میں لائی جائے گی۔ واضح رہے کہ گوجرانوالہ میں مبینہ طور پر تین ملزمان نے گداگر خاتون کو اجتماعی زیادتی کا نشانہ بنایا۔ پولیس کے مطابق واقعہ 17 دسمبر کو پیش آیا جس کی اطلاع متاثرہ خاتون نے گزشتہ روز دی۔پولیس کا کہنا ہےکہ متاثرہ خاتون کے شوہر کی مدعیت میں مقدمہ درج کرکے دو ملزمان کو گرفتار کرلیا گیا جب کہ ایک ملزم فرار ہے۔پولیس کے مطابق متاثرہ خاتون کا میڈیکل کرا لیا ہے جس کی رپورٹ اب تک موصول نہیں ہوئی ہے۔