ویب ڈیسک: ایک نئی امریکی تحقیق کے مطابق روزانہ ورزش اور جسمانی سرگرمیاں ڈپریشن کے جینیاتی خطرے سے وابستہ علامات کی شدت کم کرنے میں مددگار ثابت ہو سکتی ہیں۔
جرنل نیچر مینٹل ہیلتھ میں شائع ہونے والی تحقیق میں 23 ہزار 517 افراد کے سروے، جینیاتی معلومات، الیکٹرانک طبی ریکارڈ اور فٹ بِٹ آلات سے حاصل کردہ ڈیٹا کا تجزیہ کیا گیا۔ نتائج سے معلوم ہوا کہ زیادہ جسمانی سرگرمی کرنے والے افراد میں جینیاتی خطرے اور ڈپریشن کی شدت کے درمیان تعلق نسبتاً کمزور تھا۔
محققین کے مطابق ورزش دماغی افعال بہتر بنانے، جسمانی سوزش کو منظم کرنے اور ذہنی دباؤ کے اثرات کم کرنے میں کردار ادا کر سکتی ہے۔ تاہم، انہوں نے واضح کیا کہ جسمانی سرگرمی ڈپریشن کے باقاعدہ علاج کا متبادل نہیں بلکہ علامات کے انتظام میں معاون ثابت ہو سکتی ہے۔