(ویب ڈیسک )قومی ٹیم کے فاسٹ بولر محمد حسنین نے کرکٹ کے بعد گلوکاری میں اپنی آواز کا جادو جگا کر سب کو حیران کردیا۔
تفصیلات کے مطابق محمد حسنین نے اپنے بھائی کی شادی پر گانا کر گلوکاری کے جوہر دکھائے۔فاسٹ بولر کا یہ انداز دیکھ کر دوستوں اور رشتہ داروں نے خواب سراہا۔ سوشل میڈیا پر بھی محمد حسنین کے چاہنے والے ان کی گلوکاری کی تعریف کر رہے ہیں ۔
یاد رہے کہ اس سے قبل بھی محمد حسنین گلوکاری کے جوہر دکھا چکے ہیں، انہوں نے پاکستان سپر لیگ (پی ایس ایل) میں اپنے ساتھی کرکٹر اعظم خان کے ساتھ گلوکاری کے جوہر دکھا ئے تھے۔
محمد حسنین کو چار سال قبل ایک ویڈیو میں اعظم خان کے ساتھ گنگناتے ہوئے دیکھا گیا تھا، ان کی اس ویڈیو کو اب تک یوٹیوب پر ایک لاکھ 18ہزار لوگوں نے دیکھا ہے۔
پی سی بی کے ٹوئٹر اکاؤنٹ سے اس ویڈیو کو شیئر کیا گیا تھا جس میں دونوں کھلاڑیوں کی گلوگاری کو مداحوں نے خوب پسند کیا تھا۔