امریکی صدر کا اپنے خطاب میں پاکستانی حکومت سے اظہارتشکر

پاکستان پہلا ملک جس کا ٹرمپ نے دوسری مدت میں شکریہ ادا کیا

ویب ڈیسک : پاکستان وہ پہلا ملک ہے جس کا ٹرمپ نے اپنے دوسرے دور صدارت میں شکریہ ادا کیا ہے۔  پاک امریکا انسداد دہشت گردی تعاون کا دوبارہ آغاز ہوگیا ،تجزیہ کاروں کی رائے

 بی بی سی کے مطابق صدر ٹرمپ کی دوسری مدت صدارت میں پاکستان پہلا ملک ہے جس کا صدر ڈونلڈ ٹرمپ نے شکریہ ادا کیا ہے۔

اس ضمن میں عالمی امور کے تجزیہ کار اور ساؤتھ ایشیا انسٹی ٹیوٹ کے ڈائریکٹر مائیکل کوگلمین نے ٹویٹ کرتے ہوئے کہا ہے کہ ’آج ٹرمپ کی جانب سے کابل ائیرپورٹ حملے میں ملوث شدت پسند تنظیم دولت اسلامیہ کے دہشتگرد کو تلاش کرنے اور پکڑنے میں تعاون کرنے پر پاکستان کا شکریہ ادا کیا گیا ہے۔ سی آئی اے ڈائریکٹر ریٹکلف اور ایف بی آئی کے سربراہ کیش پٹیل پاکستان کی خفیہ ایجنسی آئی ایس آئی کے ساتھ رابطے میں تھے۔ لگتا ہے کہ پاکستان امریکا کا انسداد دہشتگردی کے معاملے پر تعاون کا دوبارہ آغاز ہو رہا ہے۔‘

انہوں نے اس کی اہمیت سے متعلق مزید لکھا کہ ’پاکستان افغانستان میں دہشت گردی کے بارے میں امریکی خدشات سے فائدہ اٹھانا چاہتا ہے اور امریکا کے ساتھ ایک نئی سکیورٹی پارٹنرشپ قائم کرنا چاہتا ہے۔ ایسے میں امریکی انتظامیہ کا اعتماد جیتنے میں مشکل ہو گی اور امریکا کو بدلے میں کچھ دینا ہو گا۔ ایبی گیٹ حملے کے منصوبہ ساز کو پکڑنے میں پاکستان کی مدد کو اسی تناظر میں دیکھا جانا چاہیے۔‘

امریکی صدر کا گرین لینڈ کی حمایت،پانامہ کینال واپس لینے کے عزم کااظہار

ویب ڈیسک: امریکی صدر ڈونلڈ ٹرمپ نے کانگریس کے مشترکہ اجلاس میں جہاں بہت سے اہم امور پر بات کی ہے۔ وہیں اپنی صدارتی تقریر میں واضح کیا ہے کہ وہ گرین لینڈ کے اپنے مستقبل کے تعین کے حق کی حمایت کرتے ہیں جبکہ انہوں نے پانامہ کینال واپس لینے کے عزم کا بھی اظہار کیا ہے۔ 

صدر ٹرمپ نے گرین لینڈ کے معاملے پر خطاب کرتے ہوئے کہا کہ امریکا گرین لینڈ کے اپنے مستقبل کے تعین کے حق کی حمایت کرتا ہے اور اگر آپ انتخاب کرتے ہیں تو آپ کو امریکا میں خوش آمدید کہیں گے۔

ان کا کہنا تھا ہمیں قومی و بین الاقوامی سلامتی کے لیے گرین لینڈ کی ضرورت ہے۔ ہم سب کو شامل کرکے اسے حاصل کرنے کی کوشش کر رہے ہیں۔

صدر ٹرمپ کے بقول "میرے خیال سے ہم اسے حاصل کرلیں گے۔ کسی نہ کسی طریقے سے، ہم اسے حاصل کرلیں گے۔"

پانامہ کینال دوبارہ حاصل کرنے کے عزم کا اظہار:

امریکہ کے صدر ڈونلڈ ٹرمپ نے مشترکہ اجلاس سے خطاب کے دوران پانامہ کینال کو دوبارہ حاصل کرنے کے عزم کا اظہار بھی کیا۔

صدر ٹرمپ نے کہا کہ ان کی حکومت پانامہ کینال کو واپس حاصل کرے گی اور ہم نے اس پر پہلے ہی کام شروع کر دیا ہے۔صدر ٹرمپ کے بقول ہم نے یہ کینال چین کو نہیں پانامہ کو دیا تھا اور ہم اسے واپس لے رہے ہیں۔

انہوں نے کہا کہ امریکیوں نے پانامہ کینال کو دوسروں کے لیے نہیں بلکہ امریکیوں کے لیے بنایا تھا۔ لیکن دیگر لوگ اسے استعمال کر سکتے ہیں۔

ٹرمپ کے خطاب میں ایلون مسک کی تعریف کےانبار

ویب ڈیسک: ٹرمپ نے DOGE اور اس کے کام کے بارے میں تعریف کی بھرمار کردی اور اپنے خطاب میں  مسک کو نام لے کر پکارا۔

امریکی صدر کا کہنا تھا کہ 'میں نے سرکاری کارکردگی کا بالکل نیا محکمہ بنایا ہے۔ DOGE - شاید آپ نے اس کے بارے میں سنا ہوگا، جس کی سربراہی ایلون مسک کر رہے ہیں، جو آج رات گیلری میں موجود ہیں۔ شکریہ ایلون۔ وہ بہت محنت کر رہا ہے۔ بہت بہت شکریہ۔ جس پر ایلون مسک  جو خاتون اول کے  باکس میں موجود تھے ، نے  کھڑے ہو کر صدر کو سلام کیا۔

 انہوں نے کہا 'ہمیں سینکڑوں ارب ڈالر کا فراڈ ملا۔ اور ہم نے پیسہ واپس لے لیا ہے اور مہنگائی سے لڑنے کے لیے اپنا قرض کم کر دیا ہے یہ صرف شروعات ہے ۔

 انہوں نے کہا کہ 'ہم امریکا میں دوبارہ حقیقی جمہوریت بحال کریں گے۔ اور جو بھی وفاقی بیوروکریٹ اس تبدیلی کی مخالفت کرے گا اسے فوری طور پر عہدے سے ہٹا دیا جائے گا۔ غیر منتخب بیوروکریٹس کی حکمرانی کے دن ختم ہو چکے ہیں۔

انہوں نے سابق صدر جو بائیڈن  کو تنقید کا نشانہ بنایا، اپنے پیشرو کو خوراک کی بلند قیمت، معیشت کی حالت اور ملک میں غیر قانونی تارکین وطن کا ذمہ دار ٹھہرایا۔
 ٹرمپ نے اپنے اوپر ہونے والے قاتلانہ حملے کا بھی ذکر کیا ٹرمپ نے اس بارے میں بات کی کہ اس واقعے نے انہیں کیسے بدلا۔ انہوں نے کہا،  مجھے یقین ہے کہ'مجھے خدا نے امریکا کو دوبارہ عظیم بنانے کے لیے بچایا تھا۔

پنسلوانیا میں ہونے والے قاتلانہ حملے کے دوران جاں بحق ہونے والے کوری کمپیرٹور کو بھی تقریب میں مدعو کیا گیا تھا انہیں خاتون اول کے باکس میں جگہ دی گئی ۔ ان کی بیوہ ہیلن کمپیریٹور اور اس کی دو بیٹیاں ایلیسن اور کیلی میلانیا ٹرمپ کے ساتھ بیٹھے تھے۔

امریکی صدر کی اپنے خطاب میں ڈیموکریٹس پر کڑی تنقید

ویب ڈیسک: امریکی صدر ڈونلڈ ٹرمپ نے اپنے خطاب کے دوران ڈیموکریٹس کو تنقید کا نشانہ بناتے ہوئے کہا کہ 'کانگریس سے یہ  میرا 5 واں خطاب ہے  اور ایک بار پھر، میں اپنے سامنے کھڑے  ڈیموکریٹس کو دیکھ  رہاہوں اور مجھے احساس ہوتا ہے کہ میں ان کو خوش کرنے یا انہیں کھڑا کرنے یا مسکرانے یا تالیاں بجانے کے لیے کچھ نہیں کہہ سکتا۔ میں کچھ نہیں کر سکتا۔

ڈونلڈ ٹرمپ نے دوران خطاب کہا کہ'میں سب سے زیادہ تباہ کن بیماری کا علاج ڈھونڈ سکتا ہوں، ایک ایسی بیماری جو پوری قوم کو مٹا دے گی یا تاریخ کی سب سے بڑی معیشت کے  کھڑا کرنے کا اعلان کر دے گی، یا جرائم کو اب تک ریکارڈ کی گئی سب سے نچلی سطح تک روک دے گی۔اور یہاں بیٹھے یہ لوگ تالیاں نہیں بجائیں گے، کھڑے نہیں ہوں گے اور یقیناً ان کامیابیوں پر خوش نہیں ہوں گے۔ وہ کچھ بھی نہیں کریں گے۔

 صدر ٹرمپ نے اپنی کامیابیوں کی فہرست گنواتے ہوئے کہا ہے کہ 'ہم نے 43 دنوں میں اس سے زیادہ کامیابی حاصل کی ہے جو زیادہ تر انتظامیہ نے چار سال یا آٹھ سالوں میں مکمل کی تھی۔ اور ہم ابھی شروع کر رہے ہیں، سرحد کو محفوظ بنانا، وفاقی ملازمتوں کو روکنا، حکومت کا سائز کم کرنا، نئے وفاقی ضوابط کو منجمد کرنا، تمام غیر ملکی امداد پر روک لگانا، پیرس کلائمیٹ ایکارڈ اور عالمی ادارہ صحت سے دستبرداری، DEI کی بھرتی کو ختم کرنا کہا کہ صرف دو جنسں ہیں، مرد یا عورت۔
 ایک موقع پر صدر ڈونلڈ ٹرمپ اس وقت ڈسٹرب نظر آئے جب وہ  اپنے ہیلتھ اینڈ ہیومن سروسز کے سیکرٹری رابرٹ ایف کینیڈی جونیئر کی تعریف کر رہے تھے، تو  ایوان میں شور مچ گیا۔ انہوں نے پوچھا'کیا ہو رہا ہے؟' 

ٹرمپ کےبیان پر وزیراعظم کا اظہار تشکر

ویب ڈیسک: ڈونلڈ ٹرمپ نے اپنی صدارتی تقریر میں پاکستان کا ذکر کیا تھا اور خصوصی طور پر پاکستان کا اظہار تشکر کیا تھا۔ جس کا ردعمل دیتے ہوئے اب وزیراعظم شہباز شریف نے افغانستان میں انسداد دہشت گردی کی کوششوں میں پاکستان کے کردار کو تسلیم کرنے پر امریکی صدرڈونلڈ ٹرمپ کا شکریہ ادا کیا ہے۔

سماجی رابطے کی سائٹ ایکس (سابق ٹوئیٹر) پر اپنے تصدیق شدہ اکاؤنٹ سے کی گئی پوسٹ میں وزیراعظم شہباز شریف نے کہا ہے ۔امریکی صدر کی جانب سے داعش کے دہشتگرد شریف اللہ کی گرفتاری پر پاکستان کی انسدادِ دہشگردی کاوشوں کے اعتراف کا خیر مقدم کرتے ہیں۔ مطلوب دہشتگرد پاک افغان سرحد پر سیکیورٹی فورسز کی جانب سے کامیاب آپریشن کے نتیجے میں گرفتار ہوا۔

 انہوں نے کہا کہ پاکستان نے انسداد دہشتگری ہی کوششوں میں ہمیشہ اہم کردار ادا کیاہے۔ پاکستان نے کسی دوسرے ملک کے خلاف استعمال ہونے والی دہشت گردوں کی محفوظ پناہ گاہوں کو ختم کرنے میں کردار ادا کیا۔ دہشت گردی کی ہر قسم کے ساتھ مقابلہ کرنے کے لئے اپنے مضبوط عزم کا اعادہ کرتے ہیں۔ پاکستان نے انسداد دہشتگری ہی کوششوں میں بہادر شہریوں اور سپاہیوں سمیت 80 ہزار جانوں کی قربانی دی۔ 

وزیراعظم کا مزید کہنا تھا کہ قربانیوں کے باوجود دہشت گردی کی لعنت کے خاتمے کے لئے پاکستان کا عزم غیر متزلزل ہے۔ علاقائی اور عالمی امن کے قیام کے لئے امریکہ کے ساتھ قریبی تعاون جاری رکھیں گے۔ 

ٹرمپ کونائب صدر کازبردست خراج تحسین،اپوزیشن کا احتجاج،واک آؤٹ

ویب ڈیسک : امریکی صدر ڈونلڈ ٹرمپ کا کانگریس کے مشترکہ اجلاس سے طوفانی خطاب۔۔۔مہنگائی، امیگریشن، نسلی بھرتیوں اور DOGE کی جانب سے  ڈاؤن  سائزنگ کی حمایت ، اب ہماری حکومت شروع ہورہی ہے،، ڈیموکریٹس کا احتجاج، شورشرابے میں رکن کانگرس کو سارجنٹ ایٹ آرمز اٹھا کر با ہر لے گئے ۔

نائب صدر جے ڈی وانس، جو ڈائس پر  صدر ڈونلڈ ٹرمپ کے عقب میں اسپیکر جانسن کے ساتھ بیٹھے تھے۔

خطاب کے دوران  ہر اہم موقع پر کھڑے ہو کر تالیاں بجاتے رہے۔ ان کے کھڑے ہونے کے ساتھ ہی پورا ایوان کھڑے ہوکر صدر ڈونلڈ ٹرمپ کو خراج تحسین پیش کرتا رہا ۔

ڈونلڈ ٹرمپ کے ایوان میں داخلے پر ڈیموکریٹس کا احتجاج شروع:

نیو میکسیکو کی ڈیموکریٹک ریپبلک میلانیا سٹینزبری نے ایک بینر اٹھا رکھا تھا جس میں لکھا تھا ' دس از ناٹ نارمل’ ۔

براہ راست نشریات میں یہ بینر صدر کے پیچھے کیمرے پر اس وقت تک دکھائی دے رہا تھا جب تک کہ ٹیکساس کے ریپبلکن ریپبلکن لانس گوڈن نے اسے ہٹا دیا۔

ٹرمپ کے  خطاب شروع ہونے  پانچ منٹ کے اندر ہی  ڈیموکریٹس ا نے احتجاجی نعرے لگانے شروع کردئیے  ،ٹیکساس ے نمائندہ ایل گرین احتجاج  کے لئے کھڑے ہوکر  اپنی چھڑی لہرائی۔ اور نعرہ لگایا 'تمہارے پاس میڈیکیڈ کو کاٹنے کا کوئی مینڈیٹ نہیں ہے!'

 جبکہ ریپبلکنز نے 'USA، USA، USA' کے نعرے لگا کر اسے  خاموش کرانے  کی کوشش کی۔

 اس موقع پراسپیکر مائیک جانسن نے  مائیک سنبھال کر ہدایات جاری کیں کہ اراکین کو ہدایت کی جاتی ہے کہ وہ ایوان میں  امن کو برقرار رکھیں ۔ یہ وارننگ ہے۔
لیکن جب گرین نے  خاموش ہونے سے انکار کر دیا تو اسپیکر  جانسن نے  سرجنٹ ایٹ آرمز کو طلب کرکے انہیں ایوان سےباہر نکلوادیا ۔

ڈیموکریٹ نمائندہ جیسمین کراکیٹ ۔ آندریا سیلیناس اور میکسین ڈیکسٹر کو  بھی ایوان سے باہر نکلوا دیا گیا انہوں نے کالے رنگ کی ٹی شرٹس پہن  رکھی تھیں جس  کے پیچھے 'مزاحمت' لکھا تھا۔

سینیٹر برنی سینڈرز ٹرمپ کے خطاب کے دوران واک آؤٹ کر گئے۔

دوسرے ڈیموکریٹس نے  بھی  بینر اٹھا رکھے تھے۔  جن پر لکھا تھا 'مسک  چورہے’ اور 'سیو میڈیکیڈ'۔ الینوائے کی ڈیموکریٹک نمائندہ ڈیلیا رامیرز نے اپنے بلیزر کے نیچے ٹی شرٹ پہن رکھی تھی: جس پر لکھا تھا کہ 'کوئی بادشاہ نہیں۔ کوئی بغاوت نہیں.'

ٹرمپ کی تجارتی جنگ ”بیوقوفانہ“،کینیڈا،جنگ جو بھی ہوآخرتک لڑیں گے،چین

ویب ڈیسک:امریکا کی جانب سے کینیڈا اور میکسیکو پر 25 فیصد اضافی ٹیکس کا نفاذ ہو گیا ہے، جس کے ساتھ ہی چین سے درآمد کی جانے والی اشیا پر بھی اضافی رقوم کا اطلاق شروع ہو گیا ہے جبکہ چین نے بھی آخری دم تک تجارتی جنگ لڑنے کا اعلان کیا ہے۔

تفصیلا ت کے مطابق کینیڈا کے وزیر اعظم جسٹن ٹروڈو نے امریکی صدر ڈونلڈ ٹرمپ کی جانب سے کینیڈین مصنوعات کی امریکا درآمد پر 25 فیصد ٹیرف کے نفاذ کو ’بیوقوفانہ اقدام ‘ قرار دیتے ہوئے اپنے ملک کی معیشت کے تحفظ کے لیے اقدامات کرنے کا اعادہ کیا ہے۔

خیال رہے کہ ٹرمپ نے کینیڈا اور میکسیکو سے درآمد ہونے والی مصنوعات پر 25 فیصد محصولات نافذ کر دیے ہیں جبکہ چین سے آنے والی اشیا پر بھی محصولات بڑھا دیے ہیں۔

کینیڈین وزیر اعظم نے جوابی ٹیرف کا اعلان کرتے ہوئے خبردار کیا ہے کہ تجارتی جنگ سے دونوں ممالک کو نقصان پہنچے گا۔

ٹروڈو نے امریکی صدر پر الزام عائد کیا ہے کہ وہ ’کینیڈا کی معیشت کو مکمل طور پر تباہ‘ کرنے کا منصوبہ رکھتے ہیں کیونکہ اس سے امریکا کے لیے کینیڈا کا الحاق کرنا آسان ہو جائے گا۔

’ایسا کبھی نہیں ہوگا۔ ہم کبھی بھی 51ویں ریاست نہیں بنیں گے۔‘

دوسری طرف چین نے بھی آخری دم تک تجارتی جنگ لڑنے کا اعلان کیا ہے۔صدر ڈونلڈ ٹرمپ کے خطاب کے ختم ہوتے ہی امریکا میں  چینی سفارتخانے کی جانب سے  سماجی رابطے کی سائٹ پرپیغام پوسٹ کیا گیا ہے کہ: 'ہم آخر تک لڑنے کے لیے تیار ہیں'

سوشل میڈیا پر پوسٹ  میں کہا گیا ہے کہ واشنگٹن کے محصولات کے جواب میں - درآمدات پر 10٪ سے 20٪ تک دوگنا  ٹیکس- "اگر جنگ وہی ہے جو امریکا چاہتا ہے، چاہے وہ ٹیرف کی جنگ ہو، تجارتی جنگ یا کسی دوسری قسم کی جنگ، ہم آخر تک لڑنے کے لیے تیار ہیں۔"

یوکرین معدنیات دینے پررضامند، ٹرمپ کا بڑا انکشاف

ویب ڈیسک : امریکی صدر ڈونلڈ ٹرمپ کا کانگریس کے مشترکہ اجلاس سے طوفانی خطاب۔۔۔مہنگائی، امیگریشن، نسلی بھرتیوں اور DOGE کی جانب سے  ڈاؤن  سائزنگ کی حمایت ، اب ہماری حکومت شروع ہورہی ہے،، ڈیموکریٹس کا احتجاج، شورشرابے میں رکن کانگرس کو سارجنٹ ایٹ آرمز اٹھا کر با ہر لے گئے ۔

صدر ٹرمپ نے مشترکہ اجلاس سے خطاب کے دوران یوکرین کے صدر ولودیمیر زیلنسکی سے ملنے والے خط کا ذکر بھی کیا۔

صدر ٹرمپ  کا کہنا تھا کہ انہیں صدر زیلنسکی کی طرف سے ایک اہم خط موصول ہوا ہے۔ جس میں کہا گیا ہے کہ یوکرین مذاکرات کی میز پر آنے کو تیار ہے تاکہ امن لایا جا سکے۔

صدر ٹرمپ کا کہنا تھا کہ "ہماری روس کے ساتھ سنجیدہ بات چیت ہوئی ہے اور ہمیں مضبوط اشارے ملے ہیں کہ وہ امن کے لیے تیار ہیں۔"

ان کا کہنا تھا کہ مجھے یوکرین کے صدر زیلنسکی کا ایک اہم خط ملا۔ خط میں لکھا گیا ہے کہ "یوکرین دیرپا امن کو قریب لانے کے لیے جلد از جلد مذاکرات کی میز پر آنے کے لیے تیار ہے۔ یوکرائنیوں سے زیادہ کوئی بھی امن نہیں چاہتا۔ انہوں نے انکشاف کیا کہ زیلنسکی کے خط میں کہا گیا ہے: 'معدنیات اور سلامتی کے معاہدے کے حوالے سے، یوکرین کسی بھی وقت اس پر دستخط کرنے کے لیے تیار ہے جو آپ کے لیے آسان ہو۔'

امریکا یوکرائن معدنیات معاہدہ منگل کو دستخط ہوں گے

دوسری طرف ذرائع کا کہنا ہے کہ  امریکا اور یوکرین  کے درمیان نایاب زمینی معدنیات  کے حوالے سے  اہم معاہدے پر منگل کو دستخط ہوں گے۔ لیکن جب تک دستخط نہیں ہوجاتے کچھ بھی ممکن ہے۔

یورپ یوکرین کی مدد کی بجائے روسی تیل خرید رہا ہے

انہوں نے یورپ پر یہ بھی الزام لگایا کہ وہ یوکرین کی مدد کے بجائے روسی تیل خریدنے میں زیادہ رقم خرچ کر رہا ہے۔
ٹرمپ نے کہا کہ 'یورپ نے افسوس کی بات ہے کہ روس سے تیل اور گیس خریدنے میں اس سے زیادہ رقم خرچ کی ہے جتنا اس نے یوکرین کے دفاع پر خرچ کیا ہے'۔

کیا امریکی ڈونلڈ ٹرمپ کو صدر بنا کر پچھتا رہے ہیں؟حالیہ سروے میں بڑاانکشاف

ویب ڈیسک: امریکی میڈیا ’سی بی ایس‘ نے حال ہی میں ٹرمپ کے فیصلوں کے حوالے سے ایک سروے کرایا ہے۔سروے میں شامل 52 فیصد لوگوں کا کہنا تھا کہ ٹرمپ ’ڈاج‘ کے ذریعہ خفیہ ڈیٹا اکٹھا کر رہے ہیں۔ 40 فیصد لوگوں کا کہنا ہے کہ ٹرمپ جو تبدیلی کر رہے ہیں، وہ غلط ہے۔ 35 فیصد امریکیوں نے اسے درست قرار دیا ہے۔

 سروے کے مطابق امریکا کے لوگوں کا کہنا ہے کہ ٹرمپ جس کام کے لیے آئے تھے، اس کو چھوڑ کر باقی سب کر رہے ہیں۔ امریکی باشندوں کا کہنا ہے کہ مہنگائی سے راحت کا فیصلہ اگر ٹرمپ کرتے ہیں تو ہی آگے کوئی بات بن سکتی ہے۔ واضح ہو کہ سی بی ایس کے سروے میں شامل 82 فیصد امیریکیوں کا کہنا ہے کہ ہم چاہتے ہیں کہ معیشت میں بہتری کی بات ہو۔ 80 فیصد لوگوں کا کہنا ہے کہ مہنگائی سے راحت دلانے کی سمت میں حکومت کام کرے۔ اسی طرح 29 فیصد لوگ ٹیکس میں چھوٹ چاہتے ہیں۔ جب کہ 51 فیصد لوگوں کے لیے ہی میکسیکو بارڈر کا مسئلہ ہے۔

سروے میں شامل 73 فیصد لوگوں کا کہنا تھا کہ ٹرمپ میکسیکو بارڈر تنازعہ کو زیادہ ترجیح دے رہے ہیں۔ 69 فیصد امریکیوں کا خیال ہے کہ ٹرمپ کی حکومت ملازمت کو ختم کرنے میں زیادہ دلچسپی لے رہی ہے۔ سروے میں شامل 29 فیصد لوگوں کو لگ رہا ہے کہ ٹرمپ مہنگائی کے حوالے سے کافی سنجیدہ ہیں۔ منجملہ طور پر اگر سروے کو دیکھا جائے تو یہ ظاہر ہوتا ہے کہ جو امریکا کے لوگ چاہتے تھے، ٹرمپ اس کے برعکس کام کر رہے ہیں۔ ساتھ ہی امریکا کے لوگ ٹرمپ کی خارجہ پالیسی میں کی گئی تبدیلی سے بھی متفق نہیں ہیں۔ 42 فیصد امریکیوں نے سروے میں کہا کہ ٹرمپ کے ذریعہ جو خارجہ پالیسی اپنائی جا رہی ہے، اس سے ملک کی حالت مزید خراب ہو سکتی ہے۔ جبکہ 31 فیصد لوگوں نے خارجہ پالیسی کو درست قرار دیا ہے۔

سروے میں شامل 52 فیصد لوگوں کا کہنا تھا کہ وہ یوکرین کے ساتھ ہیں، صرف 4 فیصد لوگوں نے روس کی حمایت کی ہے۔ واضح ہو کہ یہ سروے اس وقت کیا گیا تھا جب وہائٹ ہاؤس میں امریکی صدر ڈونلڈ ٹرمپ اور یوکرینی صدر زیلنسکی کے درمیان بحث نہیں ہوئی تھی۔ یوکرین کی حمایت کرنے والے لوگوں کا کہنا ہے کہ ٹرمپ، زیلنسکی کے بجائے پوتن کی حمایت کر رہے ہیں جو غلط ہے۔ 51 فیصد امریکیوں کا کہنا ہے کہ ہتھیاروں کی سپلائی روکنا غلط ہوگا۔

سروے میں شامل 52 فیصد لوگوں کا کہنا تھا کہ ٹرمپ ’ڈاج‘ کے ذریعہ خفیہ ڈیٹا اکٹھا کر رہے ہیں۔ 40 فیصد لوگوں کا کہنا ہے کہ ٹرمپ جو تبدیلی کر رہے ہیں، وہ غلط ہے۔ 35 فیصد امریکی شہریوں نے اسے درست قرار دیا ہے۔ واضح ہو کہ امریکی صدارتی انتخاب میں ڈونلڈ ٹرمپ کو تقریباً 50 تو کملا ہیرس کو 48 فیصد ووٹ ملے تھے۔

کانگریس سے طویل ترین خطاب ، صدر ٹرمپ نے ایک اور ریکارڈ توڑ دیا

ویب ڈیسک : صدرڈونلڈ ٹرمپ کا کیپٹل ہل پر کانگرس کے مشترکہ اجلاس سے خطاب کسی بھی صدر کا طویل ترین خطاب تھا ۔

یہ کانگریس کے لیے اب تک کی سب سے طویل صدارتی تقریر تھی۔ صدر ڈونلڈ ٹرمپ نے تقریباً ایک گھنٹہ 40 منٹ  تک  کانگریس سے خطاب کیا۔

اس سے قبل سابق امریکی صدر بل کلنٹن نے سن 2000 میں کانگرس سے طویل ترین خطاب کیا تھا بل کلنٹن نے ڈیڑھ گھنٹے تک خطاب کیا تھا تاہم ڈونلڈ ٹرمپ نے ان سے 10 منٹ زیادہ تقریر کرکے ان کا ریکارڈ توڑ دیا۔

 یادرہے اس سے قبل صدر ڈونلڈ ٹرمپ 2018 سال 2019 اور سال2020 میں بھی کانگرس سے ایک گھنٹہ 20 منٹ تک خطاب کرچکے ہیں۔

ٹرمپ کا اقوام متحدہ کی انسانی حقوق کونسل سے باہر نکلنے کا اعلان

ویب ڈیسک: ٹرمپ نے اقوام متحدہ کی انسانی حقوق کونسل سے باہر نکلنے کا اعلان کردیا۔

تفصیلات کے مطابق ٹرمپ نے کانگریس کے مشترکہ اجلاس سے خطاب کے دوران اقوام متحدہ کی انسانی حقوق کونسل سے باہر نکلنے کا اعلان کردیا ہے۔

اپنے حطاب میں امریکی صدر نے واضح کیا ہے کہ شرح سود میں کمی لائی گئی،بجٹ میں توازن لائیں گے۔توانائی کی قیمتوں میں کمی کی، پاورپلانٹس کھول دیے۔امریکی عوام کا پیسہ امداد پر ضائع کیا گیا۔

ٹرمپ نے مزید کہا کہ افراط زر کو شکست دینے کیلئے بھرپور کوشش کریں گے۔ معدنیات کی پیداوار بڑھانے کیلئے تاریخی اقدامات کروں گا۔

امریکا پر ٹیکس لگانے والوں پر جوابی ٹیکس لگایا جائے گا،ڈونلڈٹرمپ

ویب ڈیسک: امریکی صدر ڈونلڈ ٹرمپ کا عہدہ سنبھالنے کے بعد کانگریس سے پہلا خطاب کیاہے۔

صدارت سنبھالنے کے بعد کانگریس سے پہلے خطاب میں ڈونلڈ ٹرمپ نے کہا کہ امریکا پھر سے میدان میں آگیا ہے، ہم نے ڈیڑھ ماہ میں جتنا کام کیا، اتنا دیگر نے 4سالوں میں کیا۔

صدر ٹرمپ کا کہنا تھا کہ ہم نے ابھی توکام شروع ہی کیا ہے۔امریکا اپنے پہلے مومینٹم پر واپس آگیا ہے، امریکا پہلے سے بہتر انداز میں آگے بڑھ رہا ہے، امریکا کے سنہری دور کا آغاز ہوچکا ہے۔

 رکن کانگریس کا صدر ٹرمپ کی تقریر کے دوران احتجاج

ڈیموکریٹک رکن کانگریس آل گرین کی جانب سے صدر ٹرمپ کی تقریر کے دوران احتجاج کیا گیا۔

ٹرمپ کو تنقید کا نشانہ بنانے پر ڈیموکریٹک قانون ساز کو کانگریس سے نکال دیا گیا۔

ٹرمپ نے خطاب جاری رکھتے ہوئے مزید کہا کہ اقتدار میں آنے کے بعد امریکا میں غیرقانونی مقیم افراد کے خلاف اقدامات کیے۔ڈیموکریٹ میرے لیے کھڑے نہیں ہوں گے،ایسا ہونا نہیں چاہیے، میری قیادت میں امریکا نا قابل تسخیر ہے۔

 ڈیموکریٹ کو دعوت دیتا ہوں مل کرامریکا کو عظیم بنائیں: ٹرمپ
امریکی صدر کا کہنا تھا کہ ڈیموکریٹ کو دعوت دیتا ہوں مل کرامریکا کو عظیم بنائیں، معدنیات کی پیداوار کو بڑھانے کیلیے تاریخی اقدامات کروں گا، معیشت کی بحالی میری ترجیحات میں سے ایک ہے۔

ٹرمپ نے کہا کہ پچھلی انتظامیہ سے معاشی تباہی اور افراط ذرکا ڈراؤنا خواب ملا، جو بائیڈن نے انڈوں تک کی قیمت لوگوں کی قوت خرید سے باہر کر دی تھی۔

 امریکی صدر ٹرمپ نے تنقید کا نشانہ بناتے ہوئے کہا کہ ہم نے جرائم کا خاتمہ کیا مگر ڈیموکریٹس اس پر خوش نہیں، امریکی عوام کا پیسہ امداد پر ضائع کیا گیا۔

ٹرمپ نے کہا کہ شرح سود میں کمی لائی گئی، بجٹ میں توازن لائیں گے، 5 ملین ڈالر سےگولڈ کارڈ جاری کرینگے جو گرین کارڈ سے بہتر ہوگا، ہم اپنا قرض گولڈ کارڈلینےوالوں کی رقم سے اتاریں گے۔

امریکی صدر نے بتایا کہ تبدیلی کی راہ میں حائل بیوروکریٹ کو نکال دیں گے، 6 ہفتے کے دوران تقریباً 100 کے قریب ایگزیکٹو آرڈرپر دستخظ کیے۔امداد کے طور پردیا پیسہ واپس لاکرمہنگائی کم کرنے کیلیے استعمال کریں گے۔

جو ملک امریکا پر ٹیکس لگائے گا،ہم جوابی ٹیکس لگائیں گے:ٹرمپ
ٹرمپ نے اعلان کیا کہ 2 اپریل سے جو ملک امریکا پر ٹیکس لگائے گا،ہم جوابی ٹیکس لگائیں گے۔کینیڈا کو سبسڈی دیتے ہیں، اب ایسا نہیں ہوگا۔امریکا میں چیزیں نہیں تیار کریں گے تو ٹیرف دینا پڑےگا۔

صدر ٹرمپ نے مزید کہا کہ "میں یکم اپریل کو ٹیرف کا نفاذ چاہتا تھا لیکن میں یہ نہیں چاہتا کہ مجھ پر اپریل فولز ڈے کا الزام لگے۔"

صدر ٹرمپ نے مزید کہا کہ ایلومینیم، اسٹیل، کاپر اور لکڑی کی درآمد پر بھی 25 فی صد ٹیرف عائد کریں گے۔

امریکی صدر نے کہا کہ نئی تجارتی پالیسی سے کسانوں کو فائدہ ہوگا،کوئی مقابلہ نہیں کر سکےگا۔

ڈونلڈ ٹرمپ نے بتایا کہ4سال میں 21 ملین افراد امریکا آئے، بائیڈن کی اوپن بارڈر پالیسی تھی، ہم غیرقانونی امیگرینٹس کو نکالیں گے۔غیرقانونی امیگرینٹس کےخلاف امریکی تاریخ کا سخت ترین کریک ڈاون کیا جارہا ہے۔

ٹیرف کا نفاذ امریکا کو دوبارہ عظیم بنانے کیلئے اہم: ٹرمپ

کانگرس سے خطاب کرتے ہوئے امریکی صدرڈونلڈ ٹرمپ نے کینیڈا اور میکسیکو پر ٹیرف عائد کرنے کو امریکا کو دوبارہ عظیم اور امیر بنانے کے لئے اہم قدم قراردیا۔

ان کا کہنا تھا کہ یہ محض ملازمتوں کے تحفظ کے لئے نہیں بلکہ امریکا کی روح کے بارے میں ہے۔  انہوں نے اعتراف کیا کہ تھوڑی سی گڑبڑ تو ہوگی لیکن پھر سب ٹھیک ہوجائے گا۔

گرین لینڈ کے اپنےمستقبل کے تعین کی حمایت:

صدر ٹرمپ نے گرین لینڈ کے معاملے پر خطاب کرتے ہوئے کہا کہ امریکا گرین لینڈ کے اپنے مستقبل کے تعین کے حق کی حمایت کرتا ہے اور اگر آپ انتخاب کرتے ہیں تو آپ کو امریکہ میں خوش آمدید کہیں گے۔

ان کا کہنا تھا ہمیں قومی و بین الاقوامی سلامتی کے لیے گرین لینڈ کی ضرورت ہے۔ ہم سب کو شامل کرکے اسے حاصل کرنے کی کوشش کر رہے ہیں۔

صدر ٹرمپ کے بقول "میرے خیال سے ہم اسے حاصل کرلیں گے۔ کسی نہ کسی طریقے سے، ہم اسے حاصل کرلیں گے۔"

صدر ٹرمپ نے مشترکہ اجلاس کے خطاب کے اختتام پر کہا کہ "امریکہ کے سنہری دور کا ابھی صرف آغاز ہے۔"

ان کے خطاب کے اختتام پر ری پبلکن قانون سازوں نے کھڑے ہو کر خوشی کا اظہار کیا اور 'فائٹ! فائٹ! فائٹ!' کے نعرے لگاتے ہوئے ہوا میں ہاتھ بلند کیے۔

اس موقع پر ڈیموکریٹس اراکین تیزی سے چیمبر سے باہر چلے گئے اور ری پبلکن اراکین صدر سے مصافحہ کرنے لگے۔