اسلام آباد ( پبلک نیوز) وفاقی حکومت کا حدیبیہ پیپر ملز کیس کا از سر نو تحقیقات کرانے کا فیصلہ، فیصلہ قانونی ٹیم کی وزیراعظم عمران خان سے مشاورت کے بعد کیا گیا۔
حکومت نے فیصلہ کیا ہے کہ حدیبیہ پیپر ملز کا مقدمہ نئے سرے سے تفتیش کا متقاضی ہے۔ وزیر اعظم عمران خان کو قانونی ٹیم نے شہباز شریف کے مقدمات کے حوالے سے تفصیلی بریفنگ دی۔ متعلقہ اداروں کو تفتیش نئے سرے سے تحقیات شروع کرنے کی ہدایات دی جائیں گی۔
وزیراعظم کو بریفنگ کے بعد فواد چوہدری کا موقف سامنے آیا ہے کہ حدیبیہ کا مقدمہ شریف خاندان کی کرپشن کا سب سے اہم سرا ہے۔ اس مقدمے میں شہباز شریف اور نواز شریف مرکزی ملزم کی حیثئیت رکھتے ہیں۔ جو طریقہ حدیبیہ میں پیسے باہر بھیجنے کیلئے استعمال ہوا اسی کو بعد میں ہر کیس میں اپنایا گیا۔ اس لئے اس کیس کو انجام تک پہنچانا از حد اہم ہے۔
حدیبیہ کا مقدمہ شریف خاندان کی کرپشن کا سب سے اہم سرا ہے، اس مقدمے میں شہباز شریف اور نواز شریف مرکزی ملزم کی حیثئیت رکھتے ہیں، جو طریقہ حدیبیہ میں پیسے باہر بھیجنے کیلئے استعمال ہوا اسی کو بعد میں ہر کیس میں اپنایا گیا۔ اس لئے اس کیس کو انجام تک پہنچانا از حد اہم ہے
— Ch Fawad Hussain (@fawadchaudhry) May 10, 2021
وفاقی وزیر اطلاعات فواد چوہدری نے ٹوئٹ میں حکومت کے فیصلے سے آگاہ کیا۔