ویب ڈیسک: (شکیل خٹک) انٹرنیشنل کرکٹ کونسل (آئی سی سی) نے ورلڈ ٹیسٹ چیمپئن شپ 2023-25 کے فائنل کے لیے ریکارڈ 5.76 ملین ڈالرز کی انعامی رقم کا اعلان کر دیا ہے، جو کہ سابقہ دونوں ایڈیشنز کے مقابلے میں دوگنی ہے۔
ورلڈ ٹیسٹ چیمپئن شپ کا فائنل 11 جون سے لارڈز، لندن میں آسٹریلیا اور جنوبی افریقہ کے درمیان کھیلا جائے گا۔
فاتح اور رنرز اپ ٹیموں کے لیے بڑی رقم
چیمپئن ٹیم کو 3.6 ملین ڈالرز انعامی رقم دی جائے گی، جبکہ
رنرز اپ ٹیم کو 2.16 ملین ڈالرز ملیں گے۔
یا درہے کہ پچھلے ایڈیشن میں فاتح کو 1.6 ملین اور رنرز اپ کو 8 لاکھ ڈالرز دیے گئے تھے۔
دیگر ٹیموں کو بھی حصہ ملے گا
بھارت، جو پوائنٹس ٹیبل پر تیسرے نمبر پر رہا، کو 14 لاکھ 40 ہزار ڈالرز دیے جائیں گے۔
نیوزی لینڈ، چوتھے نمبر پر رہتے ہوئے 12 لاکھ ڈالرز کا حق دار ٹھہرا۔
پاکستان سب سے آخری نمبر پر
بدقسمتی سے پاکستانی ٹیم اس ایڈیشن میں بدترین کارکردگی کا مظاہرہ کرتے ہوئے نواں اور آخری نمبر حاصل کر سکی، جس پر اسے صرف 4 لاکھ 80 ہزار ڈالرز انعامی رقم دی جائے گی۔