چئیرمین پی سی بی مینجمنٹ کمیٹی نجم سیٹھی نے قومی ٹیم کے کپتان بابر اعظم کو فیصلے کرنے کے مکمل اختیارات دے دیے۔ تفصیلات کے مطابق چئیرمین پی سی بی مینجمنٹ کمیٹی نے بابر اعظم کو پیغام بھجوایا ہے کہ آپ جس کھلاڑی کو چاہتے ہیں پلئینگ الیون میں شامل کریں آپکو مکمل اختیار ہے۔ ذرائع کا کہنا ہے کہ نجم سیٹھی نے کپتان بابراعظم کو کہا ہے کہ جس کھلاڑی کو آپ ٹیم میں شامل کرنا نہیں چاہتے ہیں اس کو ڈراپ کرنے کا اختیار بھی آپکے پاس ہے ۔آپ جو بھی فیصلہ کریں گے اس کو ہم سب من و عن تسلیم کریں گے، آپ کے فیصلوں میں عمل دخل نہیں کیا جائے گا ۔ نجم سیٹھی کا مزید کہنا تھا کہ کپتان بابراعظم دنیا کے بہترین کھلاڑی ہیں اور یہ ہماری خوش قسمتی ہے کہ آپ ہمارے کپتان ہیں، گذشتہ دنوں بابر اعظم نے اسکواڈ اور شان مسعود کو نائب کپتان بنانے سے متعلق بھی لاعلمی اور ناراضی کاا اظہار کیا تھا ۔