لاہور: پاکستان کرکٹ بورڈ ( پی سی بی )نے ایک اور اہم عہدہ متعارف کر ادیا ہے۔ تفصیلات کے مطابق ڈائریکٹرز کی موجودگی میں ڈائریکٹر آف کرکٹ کی تعیناتی کا فیصلہ کر لیا گیا، ڈائریکٹر آف کرکٹ کا عہدہ لانے کا فیصلہ بورڈ کی ری اسٹرکچرنگ کے لئے ہو نے والے اجلاس کیا گیا ۔ ڈائریکٹر آف کرکٹ کی ذمہ داری میں تمام کرکٹ ڈیپارٹمنٹس ہوں گے، ڈائریکٹر آف کرکٹ بورڈ کے تمام کرکٹ ڈیپارٹمنٹس کو دیکھے گا، ڈائریکٹر آف کرکٹ چیف ایگزیکٹو کو رپورٹ کرے گا۔ ڈائریکٹر انٹرنیشنل کرکٹ، ڈائریکٹر ڈومیسٹک اور ویمن کرکٹ کی چیئرپرسن ڈائریکٹر آف کرکٹ کو رپورٹ کریں گی۔ پاکستان کرکٹ بورڈ غیر ملکی بورڈز کی طرز پر ڈائریکٹر آف کرکٹ لانا چاہتا ہے ۔ پی سی بی نے ڈائریکٹر آف کرکٹ کی تلاش کے لیے اشتہار بھی دیا ہوا ہے ۔ ڈائریکٹر آف کرکٹ کے عہدے کے خواہشمند افراد سے درخواستیں بورڈ 23 دسمبر تک وصول کرے گا۔ اسپورٹس سائیکالوجسٹ ،لیڈ نیوٹریشنسٹ، ہیڈ آف ایونٹس،ہیڈ آف ایجوکیشن کرکٹ اسپورٹ اور اور پرفارمنس ڈیٹا اینالسٹ کے لیے بھی درخواستیں طلب کی گئی ہیں۔