ویب ڈیسک: سیکیورٹی ذرائع کا کہنا ہے کہ افغان طالبان رجیم کی جانب سے بلااشتعال جارحیت کے جواب میں پاکستانی فضائیہ نے قندھار میں فضائی پٹرولنگ کی۔
پاکستانی جیٹ طیارے فضائی حملے کرنے کے بعد قندھار کی فضامیں گشت کر رہے ہیں۔
سیکیورٹی ذرائع نے واضح کیا ہے کہ افواج پاکستان کسی بھی جارحیت کیخلاف مکمل طور پر تیار اور بھر پور جواب دینےکی صلاحیت رکھتی ہے۔
(ویب ڈیسک ) ترجمان پاک فوج لیفٹیننٹ جنرل احمد شریف چوہدری کا کہنا ہے کہ افغان طالبان رجیم تمام دہشتگردوں کی پشت پر ہے۔کابل کی فضاؤں میں رات گئے جو فائر ورکس ہوئے پوری دنیا نے دیکھے۔
ڈی جی آئی ایس پی آر لیفٹیننٹ جنرل احمد شریف چوہدری نے اہم پریس کانفرنس میں کہا کہ بریفنگ کا مقصد آپریشن غضب للحق کی تفصیل سے آگاہی ہے۔21 اور 22 فروری کی درمیانی شب پاکستان نے دہشتگردوں کے ٹھکانوں کو نشانہ بنایا۔افغان طالبان رجیم تمام دہشتگردوں کی پشت پر ہے۔
انہوں نے کہا کہ طالبان رجیم نے پاک افغان سرحد کے 15 سیکٹرز کے 53 مقامات پر فائر شروع کیا۔دنیا نے دیکھا کہ طالبان رجیم کس طرح دہشت گردوں کی پشت پر ہے۔پاکستان نے ایسا بھرپور جواب دیا کہ دنیا نے دیکھا۔تمام 53 مقامات پر دشمن کو منہ توڑ جواب دیا گیا۔دشمن کے 115 ٹینک، بکتر بند گاڑیاں تباہ کی جا چکی ہیں ۔
ترجمان پاک فوج نے کہا کہ آپریشن غضب للحق میں 274 طالبان رجیم کے اہلکار اور خوارج ہلاک جبکہ 400 سے زیادہ زخمی ہوئے۔طالبان رجیم کی 73 سے زیادہ پوسٹیں مکمل طور پر تباہ ہوگئیں جبکہ 18 چوکیاں پاکستان کے قبضے میں ہیں۔فتنہ الہندوستان ، فتنہ الخوارج کے 22 ٹھکانوں کو نشانہ بنایا گیا۔کابل ، پکتیا، قندھار میں اہداف کو انتہائی درستگی سے نشانہ بنایا گیا۔دہشتگردوں کی پناہ گاہیں اور اسلحہ ڈپو تباہ کیے گئے۔دہشت گرد اپنے ساتھیوں کی نعشیں چھوڑ کر بھاگ نکلے۔آپریشن غضب للحق میں افواج پاکستان کے 12 جوانوں نے جام شہادت نوش کیا۔افواج پاکستان نے ایک بار پھر ثابت کیا کہ دفاع وطن کیلئے ہردم تیار ہیں ۔
ڈی جی آئی ایس پی آر کی نیوز کانفرنس میں دشمن کے ٹھکانوں کو نشانہ بنانے کی ویڈیوز دکھائی گئیں ۔
ڈی جی آئی ایس پی آر نے کہا کہ افواج پاکستان نے پیشہ ورانہ انداز میں صرف عسکری اہداف کو نشانہ بنایا۔دشمن کی جانب سے خواتین اور بچوں کو نشانہ بنانے کا جھوٹا پروپیگنڈا کیا گیا۔ہمارا موثر جواب مسلح افواج کے مکمل چوکس ہونے کا مظہر ہے۔قوم کو اپنے نڈر اور جانباز جوانوں پر فکر ہے۔دہشتگردوں اور ان کے سہولت کاروں کو ایسا جواب دیا گیا جس کے وہ مستحق تھے۔
ترجمان پاک فوج نے کہا کہ معرکہ حق کی طرح آپریشن غضب للحق میں بھی قوم سیسہ پلائی دیوار بنی ہے۔پاکستان کے عوام مسلح افواج سے اپنی محبت کا اظہار کررہے ہیں ۔سبی ، ایبٹ آباد اور نوشہرہ میں ڈرون حملوں کو ناکام بنا دیا گیا۔افغان طالبان رجیم کو کالعدم دہشت گرد تنظیموں یا پاکستان میں سے کسی ایک کا انتخاب کرنا ہوگا۔پاکستان کے مفادات کا تحفظ ہر قیمت پر کیا جائے گا۔
ڈی جی آئی ایس پی آر نے کہا کہ پاکستان میں دہشتگردی کے ہر واقعہ میں بھارت ملوث ہے۔افغان طالبان رجیم اور دہشت گردوں میں کوئی فرق نہیں،دنیا سمجھتی ہے کہ پاکستان کا آپریشن غضب للحق عوام کے تحفظ کیلئے ہے۔
February 27, 2026
February 27, 2026
(ویب ڈیسک ) سیکیورٹی ذرائع کے مطابق پاک فوج نے کامیاب کارروائی کرتے ہوئے افغان طالبان کی داؤد پوسٹ کو مکمل تباہ کر دیا۔
سیکیورٹی ذرائع کا کہنا ہے کہ پاک فوج کی افغان طالبان کی جانب سے بلااشتعال جارحیت کیخلاف موثر اور فیصلہ کن کارروائیاں جاری ہیں ۔پاک فوج کی مؤثر کاروائی کے دوران افغان طالبان کی پوسٹوں کو تباہی کا سامنا ہے۔
سیکیورٹی ذرائع کے مطابق پاک فوج نے کامیاب کارروائی کرتے ہوئے افغان طالبان کی داؤد پوسٹ کو مکمل تباہ کر دیا، پاکستانی سیکیورٹی فورس افغان طالبان فوج کے ٹھکانوں اور فوجی تنصیبات کو نشانہ بنا رہی ہیں ،پاکستانی سیکیورٹی فورسزکے بھرپور اور طاقتور جواب میں افغان طالبان فورسز کو بھاری نقصان کا سامنا ہے۔
ویب ڈیسک: سینیٹ نے مغربی سرحد پر افغانستان کی جارحیت کے خلاف متفقہ مذمتی قراراد منظور کر لی۔
قرارداد میں سرحدی صورتحال پر تشویش کا اظہار کرتے ہوئے افغانستان کی سرزمین پاکستان کے خلاف دہشت گردی کے لیے استعمال ہونے کی مذمت کی گئی اور عالمی برادری سے افغان طالبان کے طرزِ عمل کا نوٹس لینے کا مطالبہ کیا گیا۔
قرارداد سینیٹر شیری رحمان نے ایوان بالا میں پیش کی۔ متن کے مطابق سینیٹ نے دراندازی کے واقعات کی مذمت کرتے ہوئے ان کارروائیوں کے دوران شہید ہونے والے افواجِ پاکستان کے جوانوں کو خراجِ عقیدت پیش کیا۔
قرارداد میں کہا گیا کہ افغانستان کی سرزمین پاکستان کے خلاف دہشت گردی کے لیے استعمال نہیں ہونی چاہیے اور اس معاملے پر عالمی برادری اپنی ذمہ داری ادا کرے۔
سینیٹر شیری رحمان نے اظہارِ خیال کرتے ہوئے کہا کہ جس طرح معرکہ حق میں بھارت کو آئین کے آرٹیکل 51 کے تحت جواب دیا گیا تھا، اسی طرح موجودہ صورتحال میں بھی پاکستان اپنے آئینی حق کے مطابق ردِعمل دے رہا ہے۔ انہوں نے کہا کہ سرحدوں پر تعینات پاک فوج کے جوانوں کے لیے پوری قوم دعاگو ہے۔
اپوزیشن کی جانب سے بھی قرارداد کی حمایت کی گئی۔ سینیٹر علی ظفر نے کہا کہ جب بات ملک کی ہو تو ہم سب متحد ہو کر مقابلہ کریں گے۔ ان کا کہنا تھا کہ دہشت گردی کے مسئلے کا مستقل حل تلاش کرنا ہوگا تاکہ ملک میں امن و استحکام قائم رہ سکے۔
چئیرمین سینٹ سید یوسف رضا گیلانی نے کہا کہ سینیٹ آف پاکستان پاک فوج کے ساتھ کھڑی ہے، پاک فوج نے دہشتگردوں کیخلاف جو حالیہ کاروائی کی ہے سینٹ اس کی بھرپور حمایت کرتی ہے، سینٹ کا اجلاس پیر کی دوپہر دو بجے تک ملتوی کردیا گیا۔
February 27, 2026
February 27, 2026
ویب ڈیسک: پاک افواج کی جانب سے افغان طالبان کی پوسٹوں پر قبضے اور نقصان کی تفصیلات سامنے آئی ہیں۔ پاکستان اور افغانستان کی سرحد پر افغان طالبان کی بلا اشتعال جارحیت کے خلاف پاکستان کی مسلح افواج کا آپریشن ’غضب للحق‘ جاری ہے۔
پاکستانی فوج نے افغان طالبان کی جارحیت کے جواب میں بھرپور اور مؤثر کارروائی کرتے ہوئے 27 افغان چوکیاں مکمل تباہ جبکہ 9 افغان پوسٹوں پر قبضہ کرلیا ہے۔
پاک فضائیہ نے مؤثر کارروائی کرتے ہوئے کابل اور پکتیا میں اہم ملٹری تنصیبات تباہ کر دی ہیں۔ فضائی کارروائیوں کے دوران کابل میں 2 بریگیڈ ہیڈ کوارٹر تباہ ہو گئے۔
پاکستان نے افغانستان کے پکتیا کے علاقے میں 5 افغان پوسٹوں پر قبضہ کر کے پاکستان کا جھنڈا لگا دیا ہے۔
سیکیورٹی ذرائع کے مطابق دو افغان پوسٹیں شوال کے مقابل ہیں، دو پوسٹیں انگوراڈہ کے مقابل جبکہ ایک زرملان کے مقابل واقع ہے۔ اس کے علاوہ انگوراڈہ کا افغان ٹرمینل بھی تباہ کردیا ہے۔
پاک فوج نے کارروائی کے دوران افغانستان میں دو کور ہیڈکوارٹرز، تین بریگیڈ ہیڈکوارٹرز، دو ایمونیشن ڈپو، ایک لاجسٹک بیس، تین بٹالین ہیڈکوارٹرز اور دو سیکٹر ہیڈکوارٹرز کو بھی مکمل طور پر تباہ کردیا گیا ہے۔ مؤثر جوابی کارروائی کے دوران 80 سے زائد ٹینکس، آرٹلری گنز اور بکتر بند گاڑیاں (اے پی سیز) بھی تباہ کی گئیں۔
سیکیورٹی ذرائع کے مطابق افغانستان کے صوبے قندھار میں پاک فوج نے افغان طالبان کے کور ہیڈ کوارٹرز اور بریگیڈ ہیڈ کوارٹرز کو کامیابی سے تباہ کر دیا ہے، اس کے علاوہ قندھار میں افغان طالبان کے ایمونیشن ڈپو اور لاجسٹکس بیس بھی تباہ کر دیے گئے ہیں۔
خیال رہے کہ پاک فوج کی جانب سے جاری آپریشن غضب للحق کے دوران افغان طالبان کی 133 اہلکار ہلاک اور 200 سے زائد زخمی ہو گئے ہیں۔ جبکہ وطن کا دفاع کرتے ہوئے پاک فوج کے 2 جوان شہید اور 3 زخمی ہوئے ہیں۔
واضح رہے کہ جمعے کی رات افغان طالبان کی جانب سے پاکستانی علاقوں میں دراندازی کی کوشش اور بلااشتعال فائرنگ کے خلاف پاکستانی فوج نے بھرپور جواب دیا۔
ویب ڈیسک: سیکیورٹی ذرائع کا کہنا ہے کہ پاک فوج کی افغان طالبان کی جانب سے بلااشتعال جارحیت کیخلاف مؤثر اور فیصلہ کن کارروائیاں جاری ہیں۔
پاک فوج کی مؤثر کارروائی کے دوران افغان طالبان کی پوسٹوں کو بھاری نقصان پہنچا۔ پاکستان نے کامیاب کارروائی کرتے ہوئے افغان طالبان کی خیبر پوسٹ، قومی سر کمپلیکس اور خاور پوسٹ کو شدید نقصان پہنچایا۔
پاکستانی سیکیورٹی فورسز افغان طالبان فوج کے ٹھکانوں اور فوجی تنصیبات کو نشانہ بنا رہی ہیں۔ پاکستانی سیکیورٹی فورسزکے بھرپور اور طاقتور جواب میں افغان طالبان فورسز کو بھاری نقصان کا سامنا ہے۔
February 27, 2026
February 27, 2026
ویب ڈیسک: روس نے افغانستان اور پاکستان پر زور دیا ہے کہ وہ سرحدی کشیدگی کو فوری طور پر کم کریں اور اپنے تنازعات بات چیت کے ذریعے حل کریں۔
روسی خبر رساں ادارے ریا نووستی کے مطابق روسی وزارت خارجہ کی جانب سے جاری بیان میں دونوں ممالک کو تحمل کا مظاہرہ کرنے اور سرحد پار جھڑپیں روکنے کی اپیل کی گئی ہے۔ بیان میں کہا گیا ہے کہ بڑھتی ہوئی کشیدگی خطے کے امن و استحکام کے لیے خطرہ بن سکتی ہے۔
روسی وزارت خارجہ نے اس بات پر بھی زور دیا کہ علاقائی سلامتی اور استحکام تمام فریقوں کے مفاد میں ہے، اس لیے ضروری ہے کہ معاملات کو سفارتی ذرائع سے حل کیا جائے۔
مزید برآں، روس نے عندیہ دیا ہے کہ اگر کابل اور اسلام آباد چاہیں تو ماسکو ثالثی کا کردار ادا کرنے پر غور کرنے کے لیے تیار ہے، تاکہ دونوں ممالک کے درمیان اختلافات کو پرامن طریقے سے سلجھایا جا سکے۔
ویب ڈیسک: وزیراعظم کے مشیر برائے سیاسی امور رانا ثناء اللہ نے کہا ہے کہ افغانستان کی جانب سے ہونے والی دراندازی کا پاکستانی مسلح افواج نے بھرپور اور مؤثر جواب دیا۔ ان کا کہنا تھا کہ دہشت گرد عناصر کو واضح پیغام دیا گیا ہے کہ وہ اپنی روش ترک کریں، بصورت دیگر ان کے خلاف سخت کارروائی کی جائے گی۔
سینیٹ میں اظہارِ خیال کرتے ہوئے انہوں نے کہا کہ ایوان میں منظور کی جانے والی قرارداد اس امر کا ثبوت ہے کہ پوری قوم اپنی مسلح افواج کے شانہ بشانہ کھڑی ہے۔ انہوں نے مزید کہا کہ معرکۂ حق کے موقع پر بھی قوم نے افواجِ پاکستان پر مکمل اعتماد کا اظہار کیا تھا اور آج بھی یکجہتی کا یہی جذبہ موجود ہے۔
رانا ثناء اللہ کے مطابق دوحہ میں کئی ہفتوں تک مذاکرات کا سلسلہ جاری رہا، جس میں ڈیورنڈ لائن کی مؤثر نگرانی کے لیے دوست ممالک پر مشتمل کمیشن کے قیام کی تجویز بھی زیرِ غور آئی۔ انہوں نے کہا کہ موجودہ صورتحال میں قومی اتحاد کا پیغام نہایت واضح ہے اور پوری قوم دفاعِ وطن کے لیے یکسو ہے۔
سیاسی امور پر گفتگو کرتے ہوئے انہوں نے کہا کہ ملکی مسائل کا حل سیاسی جماعتوں کو باہمی مشاورت سے نکالنا چاہیے۔ ان کا کہنا تھا کہ حکومت کی جانب سے بات چیت کی کوششیں کی جاتی رہی ہیں، تاہم دوسری طرف سے مثبت جواب نہیں ملا۔ انہوں نے دعویٰ کیا کہ 2018 میں جس انداز سے سیاسی انتظام کیا گیا تھا، اسی نوعیت کی پیش رفت کے لیے آج بھی آمادگی موجود ہے، لیکن اگر مخالف فریق تیار نہ ہو تو یہ ان کا فیصلہ ہے۔
انہوں نے مزید بتایا کہ وزیراعظم کی جانب سے تین بار مذاکرات کی دعوت دی گئی، تاہم کوئی جواب موصول نہیں ہوا۔ علاج اور ڈاکٹروں سے متعلق معاملات پر بھی بیٹھ کر بات چیت کے ذریعے حل نکالا جا سکتا ہے۔
February 27, 2026
February 27, 2026
ویب ڈیسک: پاک افغان صورتحال پر ڈی جی آئی ایس پی آر آج پریس کانفرنس کریں گے۔
پاک فوج کے شعبہ تعلقات عامہ (آئی ایس پی آر) کے ڈائریکٹر جنرل ( ڈی جی) لیفٹیننٹ جنرل احمد شریف چودھری آج سہ پہر 4 بجے اہم پریس کانفرنس میں پاک افغان صورتحال پر بریف کریں گے۔
واضح رہے کہ گزشتہ رات افغان طالبان رجیم کی جانب سے بلااشتعال حملے کے خلاف پاکستان کا آپریشن غضب للحق جاری ہے، پاک افواج کے حملوں میں 133 طالبان ہلاک اور 200 سے زائد زخمی ہوگئے، افغان طالبان کے فوجی ہیڈکوارٹرز، ٹینک، توپ خانے اور چوکیاں تباہ کر دی گئیں۔
ویب ڈیسک: پاکستان اور افغاستان کے درمیان تازہ ترین کشیدہ صورتحال اور جھڑپوں پر اقوامِ متحدہ کے سیکریٹری جنرل انتونیو گوتریس اور انسانی حقوق کے سربراہ وولکر ترک نے اظہارِ خیال کیا ہے۔
اقوامِ متحدہ کے سیکریٹری جنرل انتونیو گوتریس نے دونوں ممالک پر زور دیا کہ وہ بین الاقوامی قانون، بالخصوص بین الاقوامی انسانی حقوق کے قانون کے تحت اپنی ذمہ داریوں کی سختی سے پابندی کریں۔
دوسری جانب انسانی حقوق کے سربراہ وولکر ترک نے سرحدی جھڑپوں اور مہلک فضائی حملوں کے بعد افغانستان اور پاکستان سے مسائل کے حل کے لیے باہمی بات چیت کی اپیل کی ہے۔
واضح رہے کہ پاکستان نے افغان طالبان کی جانب سے بلا اشتعال حملوں کے بعد کابل، پکتیا اور قندھار میں افغان طالبان کے دفاعی اہداف کو نشانہ بنایا جس میں افغان طالبان رجیم کے 133 اہلکار ہلاک جبکہ 200 سے زائد زخمی ہو گئے ہیں۔
افغانستان میں طالبان کی حکومت کے ترجمان ذبیح اللہ مجاہد نے پاکستان اور افغانستان کی سرحد پر پاکستانی سکیورٹی فورسز کے خلاف کارروائیاں کرنے کا دعویٰ کیا تھا، افغان طالبان نے اسے چند روز قبل پاکستان کی جانب سے افغانستان کے سرحدی علاقوں میں بمباری کا جواب قرار دیا تھا۔
February 27, 2026
February 27, 2026
ویب ڈیسک: سیکیورٹی ذرائع نے بتایا ہے کہ افغان طالبان رجیم کی بلااشتعال جارحیت کے خلاف پاک فوج کی فیصلہ کن کارروائیاں جاری ہیں۔
پاک فوج نے بھرپور جوابی کارروائیاں کرتے ہوئے افغان پوسٹوں پر قبضہ کر کے گاڑیاں بھی ضبط کر لیں۔ پاک فوج نے اپنے پیشہ ورانہ انداز اور دینی اقدار کے مطابق افغانستان کا جھنڈا احترام سے اتارا۔
سیکیورٹی ذرائع کا کہنا ہے کہ پاک فوج نے افغان پوسٹوں پر پاکستانی جھنڈا فخر کے ساتھ لہرا دیا۔ پاک فوج نے جنگ کی حالت میں بھی پیشہ ورانہ اور دینی اقدار کو پس پشت نہیں ڈالا۔
جذبہ ایمانی سے سرشار پاک فوج دشمن کی جارحیت کا منہ توڑ جواب دے رہی ہے۔
ویب ڈیسک: پاک افغان سرحد پر باجوڑ سیکٹر کے قریب دہشتگردوں کی دراندازی کی کوشش ناکام بنادی گئی۔
سکیورٹی ذرائع کے مطابق پاک فوج نے سرحد پار کرنے والے دہشت گرد کو زندہ پکڑلیا، پکڑے جانے والے فتنہ الخوارج کے دہشت گرد نے اپنا نام عبداللہ بتایا ہے ۔
واضح رہے کہ پاک افغان سرحد پر افغان طالبان رجیم کی بلااشتعال کارروائیوں کے خلاف پاکستان نے آپریشن غضب للحق شروع کر رکھا ہے۔
سکیورٹی ذرائع کے مطابق پاکستانی سکیورٹی فورسز کی جوابی کارروائی سے افغان طالبان کے متعدد ٹھکانے اور ٹینک تباہ ہوگئے جبکہ 100 سے زائد طالبان کی ہلاکت کی بھی اطلاعات ہیں۔
سکیورٹی ذرائع کے مطابق افغان طالبان نے پاک افغان سرحد کے مختلف مقامات پر فائرنگ کی، پاکستان کی سکیورٹی فورسز نے جواب میں ناوگئی سیکٹر باجوڑ، تیراہ خیبر میں بھرپور جواب دیا، چترال سیکٹر پر افغان طالبان کی چیک پوسٹ کو پاکستانی سکیورٹی فورسز نےنشانہ بنا کر تباہ کردیا۔
February 27, 2026
February 27, 2026
ویب ڈیسک: پاکستان کی مسلح افواج نے افغان طالبان کی دراندازی پر بھرپور جوابی کارروائی کرتے ہوئے افغان طالبان کی متعدد اہم چیک پوسٹوں کو مکمل تباہ کر دیا۔
سکیورٹی ذرائع کے مطابق پاکستان کی مسلح افواج نے افغان طالبان فورسز کو آرٹلری اور کواڈکاپٹر کے ذریعےمؤثر انداز میں نشانہ بنایا۔
ذرائع کا مزید بتانا ہے کہ پاکستان کی فیصلہ کن کارروائی کی بعد افغان طالبان نے متعدد بار پوسٹوں پر سفید جھنڈا بھی لہرایا۔
واضح رہے کہ پاک افغان سرحد پر افغان طالبان رجیم کی بلااشتعال کارروائیوں کے خلاف پاکستان نے آپریشن غضب للحق شروع کر رکھا ہے۔
سکیورٹی ذرائع کے مطابق پاکستانی سکیورٹی فورسز کی جوابی کارروائی سے افغان طالبان کے متعدد ٹھکانے اور ٹینک تباہ ہوگئے جبکہ 130 سے زائد طالبان کی ہلاکت کی بھی اطلاعات ہیں۔
سکیورٹی ذرائع کے مطابق افغان طالبان نے پاک افغان سرحد کے مختلف مقامات پر فائرنگ کی، پاکستان کی سکیورٹی فورسز نے جواب میں ناوگئی سیکٹر باجوڑ، تیراہ خیبر میں بھرپور جواب دیا، چترال سیکٹر پر افغان طالبان کی چیک پوسٹ کو پاکستانی سکیورٹی فورسز نےنشانہ بنا کر تباہ کردیا۔
ویب ڈیسک: جذبہ حب الوطنی سے سرشار پاک فوج کے جوانوں نے افغان طالبان کو پسپائی پر مجبور کر دیا۔
نعرہ تکبیر کی گونج کے ساتھ پاکستانی فوج کے جوانوں نے پوری قوت اور طاقت کے ساتھ دشمن کی جارحیت کا جواب دیا۔
پاکستان نے افغان طالبان کی بلا اشتعال جارحیت کیخلاف اپنی پوری طاقت اور فوجی صلاحیت کا استعمال کیا۔
سیکیورٹی فورسز نے فضائیہ ، آرٹلری فائر پاور اور کواڈ کاپٹرز کا بھر پور استعمال کرتے ہوئے افغان طالبان کی متعدد پوسٹیں اور ہیڈ کوارٹرز تباہ کر دئیے.
افواج پاکستان کسی بھی جارحیت کیخلاف مکمل طور پر تیار اور بھر پور جواب دینےکی صلاحیت رکھتی ہے۔
February 27, 2026
February 27, 2026
ویب ڈیسک: پاک افغان سرحد پر افغان طالبان رجیم کی بلااشتعال کارروائیوں کے خلاف پاکستان کا آپریشن غضب للحق جاری ہے، پاک افواج کے حملوں میں افغان طالبان کے 133 کارندے ہلاک اور 200 سے زائد زخمی ہوگئے، 27 افغان چوکیاں مکمل تباہ کر دی گئیں۔
سکیورٹی فورسز نے بھرپور جوابی کارروائی میں 3 افغانی بٹالین اور سیکٹر ہیڈ کوارٹر مکمل تباہ اور اسلحہ ڈپو کو راکھ کا ڈھیر بنادیا۔ مؤثر جوابی کارروائی میں 80 سے زائد ٹینک، توپ خانے اور بکتربند گاڑیاں تباہ ہوگئیں، وطن کے دفاع میں پاک فوج کے 2جوان شہید اور 3 زخمی ہوگئے۔
سکیورٹی ذرائع کے مطابق افغان طالبان نے پاک افغان سرحد کے مختلف مقامات پر فائرنگ کی، پاکستان کی سکیورٹی فورسز نے جواب میں ناوگئی سیکٹر باجوڑ، تیراہ خیبر میں بھرپور جواب دیا، چترال سیکٹر پر افغان طالبان کی چیک پوسٹ کو تباہ کردیاگیا۔
پاک افغان سرحد پر مہمند میں گرسال سیکٹر میں پاک فوج کی جانب سے بھرپور جوابی کارروائی کی گئی، جہاں سکیورٹی فورسز نے چیک پوسٹیں تباہ کردیں، 3 طالبان ہلاک کردیے۔ پاک افغان سرحد پرولی خان سیکٹر میں پاک فوج نے افغان پوسٹ کو مسمار کردیا۔
سکیورٹی ذرائع کے مطابق سکیورٹی فورسز نے باجوڑ میں افغان طالبان کی 2 چوکیاں تباہ کیں۔ افغان صوبے پکتیکا کی پوسٹ پرقبضہ کرلیا۔ پاک فوج کی کارروائی پر افغان طالبان پوسٹ چھوڑ کر بھاگنے پر مجبور ہوگئے۔ پاک فوج نے پکتیکا میں افغان طالبان کی اہم فوجی تنصیبات اور کور ہیڈ کوارٹرز کو بھی تباہ کردیا۔
سکیورٹی فورسز نےکرم سیکٹر کے قریب بھی افغان طالبان کے کئی ٹھکانے تباہ کردیے جہاں 8 طالبان جنگجو ہلاک ہوگئے۔ انگوراڈہ میں بھی ایک افغان پوسٹ کو تباہ کردیا گیا۔ اب تک 133 افغان طالبان ہلاک جبکہ200 سے زائد زخمی ہوچکےہیں۔
سکیورٹی ذرائع کا کہنا ہے کہ افغان طالبان نےکواڈ کاپٹر کے ذریعے پاکستانی سکیورٹی فورسز کی چیک پوسٹوں پر حملے کی ناکام کوشش کی، سکیورٹی فورسز کی بروقت کارروائی سے تمام کواڈ کاپٹرز گرا دیے گئے، ڈرونز کے ذریعے بھی چن چن کر طالبان رجیم کی پوسٹوں کو نشانہ بنایا گیا۔
سکیورٹی ذرائع کے مطابق افغان طالبان کے میڈیا اور سوشل میڈیا پر جھوٹے دعوے اور فیک ویڈیوز کی بھرمار ہے۔ پاکستان کی سکیورٹی فورسز سرحد کی حفاظت کے لیے مکمل طور پر تیار ہیں، پاکستان کی سکیورٹی فورسز کسی بھی قسم کی جارحیت کےخلاف سخت اور فوری جواب دینے کے لیے مکمل طورپر تیار ہیں۔
افغان طالبان کے سول آبادی پر حملے، خواتین سمیت 5 افراد زخمی
پاک فوج کے ہاتھوں ہزیمت اٹھانے کے بعد افغان طالبان نے سول آبادی پر حملے شروع کر دیے جس میں خواتین سمیت 5 افراد زخمی ہوگئے۔
سکیورٹی ذرائع کے مطابق افغان طالبان کی جانب سے فائر کئے گئے گولے باجوڑ کے علاقے لغڑئی اور گرد و نواح میں گرے۔
سکیورٹی ذرائع کا کہنا ہے کہ باجوڑ میں مارٹر گولے گرنے سے 5 افراد زخمی ہوگئے جس میں 3 خواتین بھی شامل ہیں۔ زخمی افراد کو خار اسپتال منتقل کردیا گیا ہے، جہاں ان کا علاج جاری ہے۔
افغان طالبان کی بلا اشتعال جارحیت، باجوڑ میں مسجدکو بھی نشانہ بنا ڈالا
سکیورٹی ذرائع کا کہنا ہے کہ افغان طالبان کی بلا اشتعال جارحیت میں مسجد کو بھی نشانہ بنایا گیا، افغان طالبان نے باجوڑ میں مسجد کو نشانہ بنایا ،افغان طالبان کی شیلنگ سے مسجد کی چھت اور دیگر حصے متاثرہوئے۔
پاک فوج نے افغان طالبان کی متعدد پوسٹوں کو فتح کرکے قومی پرچم لہرادیا
پاک افغان سرحد پر پاک فوج نے افغان طالبان کی متعدد پوسٹوں کو فتح کر لیا اور افغان پوسٹوں پر قومی پرچم لہرا دیا ۔
پاک فوج کے جوانوں نے افغان طالبان کی پوسٹ کو فتح کر کے کہا کہ افغان طالبان سن لو ہم تمہیں بھرپور جواب دے کر دکھائیں گے کہ تم کس سے ٹکرائے ہو، افغان طالبان کی پوسٹ کو فتح کر کے پاکستان کا پرچم لہرا دیا ہے، اسی طرح ہم آئیں گے اور کابل کو بھی فتح کر لیں گے پھر تمہیں پتہ چلے گا کہ تم نے ہم سے کیسے پنگا لیا۔
پاک افواج کے حملے، ننگر ہار اور قندھار میں ایمونیشن ڈیپو تباہ
پاک فضائیہ نے ننگرہار کے اندر بڑا ایمونیشن ڈیپو تباہ کر دیا۔
سکیورٹی ذرائع نے بتایا کہ پاکستان نے کامیاب کارروائی کرتے ہوئے قندھار میں بھی افغان طالبان رجیم کا ایمونیشن ڈپو اور لاجسٹکس بیس تباہ کردیا۔
دشمن کو ہر جارحیت کا منہ توڑ جواب دیا جائے گا: وزیراعظم
وزیراعظم شہباز شریف نے افغان طالبان کو منہ توڑ جواب دینے پر پاک فوج کو زبردست خراج تحسین پیش کیا۔
وزیراعظم شہباز شریف نے اپنے بیان میں کہا افواج جارحانہ عزائم کو خاک میں ملانے کی بھرپورصلاحیت رکھتی ہے، افواج کاعزم ہے ملک کے امن اور تحفظ پر آنچ نہیں آنے دیں گے۔
وزیراعظم نے کہا فیلڈمارشل عاصم منیر کی قیادت میں افواج جذبے کے ساتھ فرائض انجام دے رہی ہے۔
وزیراعظم نے واضح کیا کہ وطنِ عزیز کے دفاع پر کوئی سمجھوتہ نہیں کیا جائے گا، دشمن کو ہر جارحیت کا منہ توڑ جواب دیا جائے گا۔
وزاعظم نے کہا کہ پاکستان نے ہمیشہ امن کو فروغ دیا، ملکی سالمیت پر کوئی آنچ نہیں آنے دیں گے، قوم افواجِ پاکستان کے شانہ بشانہ ہے۔
افغان طالبان رجیم کے 133 کارندے ہلاک اور 200 سے زائد زخمی ہوگئے: وزیراطلاعات
وفاقی وزیراطلاعات عطا تارڑ نے کہا کہ پاک فوج کی جوابی کارروائیوں میں افغان طالبان رجیم کے 133 کارندے ہلاک اور 200 سے زائد زخمی ہوگئے۔ کابل ، پکتیا اور قندھار میں فوجی اہداف پر حملوں میں مزید اموات ہوسکتی ہیں۔
وفاقی وزیراطلاعات عطاتارڑ نے کہا کہ پاک فوج نے افغان طالبان کی 27 چوکیاں تباہ اور 9 چوکیاں قبضے میں لے لیں ، جوابی کارروائی کے دوران دو کور ہیڈکوارٹرز ، 3 بریگیڈ ہیڈکوارٹرز ، 2 اسلحہ ڈپو تباہ کردیے گئے ، ایک لاجسٹکس بیس ، 3 بٹالین ہیڈکوارٹرز ، 2 سیکٹر ہیڈکوارٹرز ، 80 سے زائد ٹینک ، توپ خانہ اور بکتر بند گاڑیاں بھی تباہ کردی گئی۔
عطاتارڑ نے کہا کہ افغان طالبان کی بلا اشتعال جارحیت کا بھرپور اور مضبوط جواب دیا، مسلح افواج نے پیشہ وارانہ مہارت سے وطن کا دفاع یقینی بنایا، پاکستانی ردعمل سے افغان طالبان بے یقینی کا شکار ہوگئی، مربوط اور مؤثر کارروائی کے بعد سوشل میڈیا پر فیک نیوز کا سہارا لیا گیا، بین الاقوامی چینل کو بھی فیک خبرحذف کرناپڑی۔
وزیرِ اطلاعات عطاتارڑ نے واضح کردیا کہ کسی بھی جارحیت سے آہنی ہاتھوں سے نمٹا جائے گا۔
افغانستان کو ہر صورت ایک پرامن ہمسایہ بننا ہوگا: طلال چوہدری
وزیر مملکت برائے داخلہ طلال چوہدری نے پاک افغان سرحد پر کشیدگی پر ردعمل دیتے ہوئے ایک بار پھر واضح کیا ہے کہ کسی کو پاکستان کا امن چھیننے کی اجازت نہیں دیں گے، ہماری کوشش رہی ہے کہ معاملات بات چیت کے ذریعے حل کیےجائیں۔
جیونیوز کے پروگرام آج شاہ زیب زادہ کے ساتھ گفتگو کرتے ہوئے طلال چوہدری نے کہا کہ بھارت جس کے پاس فوج ، طیارے اور ہتھیار بھی تھے اس کی کیا حالت ہوئی ، پاکستان کے بازار اور مساجد میں بم دھماکے بالکل بھی برداشت نہیں ہوسکتے۔
طلال چوہدری نے کہا کہ پاکستان اپنے عوام کے امن کے لیے کسی بھی حد تک جائےگا، افغانستان کو ہر صورت ایک پرامن ہمسایہ بننا ہوگا، چین سے لےکر امریکا تک پوری دنیا کو افغانستان سے یہ شکایت ہے۔
جنگ افغانستان نے شروع کی، ختم پاکستان کرےگا: فیصل کریم کنڈی
گورنرخیبرپختونخوا فیصل کریم کنڈی نے واضح کردیا کہ جنگ افغانستان نے شروع کی ہے لیکن اس کا اختتام پاکستان کرے گا۔
گورنر فیصل کریم کنڈی نے بتایا کہ افغانستان نے آج دوبارہ پاکستان پرحملے کیے۔ امریکاکو سوچنا ہوگا، ان کا چھوڑا گیا اسلحہ پاکستان کےخلاف استعمال ہو رہاہے۔
انہوں نے واضح کیا کہ افغان طالبان ایکشن نہیں لیں گے تو پاکستان دہشت گردوں کے خلاف کارروائی کرے گا، پہلے بھی جارحیت کرنے پرافغاسنتان کو منہ کی کھانی پڑی تھی۔
پاکستان کی مٹی کاایک ایک ذرہ بنیان مرصوص بن کر لڑےگا، مریم نواز
وزیراعلیٰ پنجاب مریم نواز نے پاک افغان سرحد پر خوارج کے بزدلانہ حملےکی مذمت کرتے ہوئے کہا ہےکہ خوارج، ان کےہینڈلرز اور سپورٹرز پہلےبھی ذلیل ہوئے اب بھی ذلیل ہوں گے، سلام ہے پاک فوج کو جنہوں نےپلک جھپکتےہی دشمن کو منہ توڑجواب دیا، سلام ہے پاک فوج کو جنہوں نےدشمن کا غرور خاک میں ملادیا، پاکستان کی مٹی کاایک ایک ذرہ بنیان مرصوص بن کر لڑےگا، پاکستان کی جغرافیائی حدود ہماری ریڈلائنز ہیں جوکراس کرےگا ذلیل ورسوا ہوگا۔
دشمن کی مہم جوئی کا منہ توڑ جواب دینے کیلئے قوم متحد ہے، وزیراعلیٰ سندھ
وزیراعلیٰ سندھ مراد علی شاہ نے پاک افغان سرحد پر افغان طالبان کی بلا اشتعال فائرنگ کی مذمت کرتے ہوئے کہا ہےکہ دشمن کی مہم جوئی کا منہ توڑ جواب دینے کے لیے قوم متحد ہے، پاک فوج اور سکیورٹی فورسز کے حوصلوں کو سلام پیش کرتے ہیں، وطنِ عزیز کی ایک ایک انچ زمین کا دفاع ہمارا قومی فریضہ ہے، سکیورٹی فورسز نے مؤثر جواب دے کر دشمن کے عزائم خاک میں ملا دیے۔
ویب ڈیسک: افغان طالبان کی اسلام دشمنی کھل کر سامنے آگئی ہے،پاک فوج کے ہاتھوں ہزیمت اٹھانے کے بعد افغان طالبان کی جانب سے سول آبادی پر حملے کیے جارہے ہیں اور طالبان نے باجوڑ میں مسجد کو بھی نشانہ بنا ڈالا۔
سکیورٹی ذرائع کے مطابق افغان طالبان نے بلا اشتعال جارحیت کرتے ہوئے باجوڑ میں مسجد کو بھی نشانہ بنایا۔
سکیورٹی ذرائع کے مطابق افغان طالبان کی شیلنگ سے مسجد کی چھت اور دیگر حصے بری طرح متاثر ہوئے۔
سکیورٹی ذرائع کا کہنا ہےکہ پاک فوج افغان طالبان کی بلااشتعال جارحیت کا منہ توڑ جواب دے رہی ہے، پاکستان کی سکیورٹی فورسز کسی بھی سرحدی جارحیت کا منہ توڑ اور مؤثر جواب دینے کے لیے ہمہ وقت تیار ہیں۔
خیال رہے کہ افغان طالبان رجیم کی جانب سے پاک افغان سرحد پر بلااشتعال کارروائی کی گئی ہے جس کا سکیورٹی فورسز نے بھرپور اور فوری جواب دیا جارہا ہے۔
افغان طالبان رجیم کی بلااشتعال کارروائیوں کے خلاف پاکستان نے آپریشن غضب للحق شروع کردیا ہے جن میں افغان طالبان کو بھاری جانی نقصان اٹھانا پڑا ہے۔
February 27, 2026
February 27, 2026
ویب ڈیسک: سکائی نیوز کا پاکستان مخالف جھوٹا پروپیگنڈا پاکستانی عوام نے سوشل میڈیا پر بے نقاب کر دیا۔ پاکستانی سوشل میڈیا کے شدید دباؤ کے بعد سکائی نیوز اپنی ایکس پوسٹ ڈیلیٹ کرنے پر مجبور ہوگیا۔
سکائی نیوز نے افغانستان ائیر فورس کےذریعے پاکستان پر حملے کا جھوٹا دعویٰ کیا تھا۔
اسکائی نیوز کی سوشل میڈیا پوسٹ پر ہزاروں پاکستانیوں نے ردعمل دیتے ہوئے کہا کہ افغانستان ایئرفورس کا وجود ہی نہیں۔
سکائی نیوز اس سے قبل بھی پاکستان اور افواج مخالف پروپیگنڈا میں ملوث ہونے کی وجہ سے بے نقاب ہوچکا ہے۔
سکائی نیوز بالعموم اور انکی افغانی نژاد اینکر یلدہ حکیم عرصہ دراز سے پاکستان مخالف پروپیگنڈا میں ملوث ہے۔
سکائی نیوز کی غیر معیاری صحافت پر سوشل میڈیا پر سوالات اٹھنے لگے ہیں۔
ویب ڈیسک: سیکیورٹی ذرائع کا کہنا ہے کہ پاک فوج کی افغان فورسز کی بلااشتعال جارحیت کیخلاف مؤثر جوابی کارروائی جاری ہے۔
سیکیورٹی فورسز کےمؤثر جواب کے بعد مہمند سیکٹر کے قریب افغان طالبان چوکیاں چھوڑ کر بھاگنے پر مجبور ہوگئے ہیں۔
پاک فوج کی کامیاب کارروائی سے افغان طالبان کے متعدد ٹھکانے تباہ جبکہ دیگر مورچے خالی ہوگئے۔
پاکستان کی مسلح افواج ملکی سلامتی اور بلا اشتعال جارحیت کیخلاف بھرپور جوابی کارروائی کیلئے پرعزم ہیں۔
February 27, 2026
February 27, 2026
ویب ڈیسک: سیکیورٹی ذرائع نے بتایا ہے کہ افغان طالبان رجیم کی کابل میں اہم ملٹری تنصیبات بشمول دو بریگیڈ ہیڈکوارٹر کو مؤثر فضائی حملوں کے ذریعے نشانہ بنا کر مکمل تباہ کر دیا گیا ہے۔
افغان طالبان رجیم کی بلا اشتعال جارحیت کا فضائی اور زمینی دونوں سطح پر مؤثر اور فیصلہ کن جواب دیا جا رہاہے۔
افواج پاکستان کسی بھی جارحیت کیخلاف مکمل طور پر تیار اور بھر پور جواب دینےکی صلاحیت رکھتی ہے۔
ویب ڈیسک: سیکیورٹی ذرائع کا کہنا ہے کہ پاک فوج کی افغان طالبان کی بلا اشتعال جارحیت کیخلاف سرحدی علاقوں میں فیصلہ کن کارروائیاں جاری ہیں۔
سیکیورٹی فورسز افغان طالبان رجیم کیخلاف طورخم بارڈر پر بھرپور اور مؤثر کارروائیاں کر رہی ہیں۔
پاک فوج نے طورخم بارڈر کے قریب افغان طالبان فورسز کی متعدد چیک پوسٹوں کو مؤثر انداز میں نشانہ بنایا۔
February 27, 2026
February 27, 2026
ویب ڈیسک: افغان طالبان کی بلااشتعال جارحیت کیخلاف پاک فوج کی بھرپور جوابی کارروائی کا سلسلہ جاری ہے۔
سیکیورٹی ذرائع کے مطابق سیکیورٹی فورسز نے جنوبی وزیرستان کے شوال سیکٹر کےقریب افغانستان کے صوبے پکتیکا کی پوسٹ پر قبضہ کر لیا۔
پاک فوج کی بھرپورجوابی کارروائی نے بزدل افغان طالبان کو پوسٹ چھوڑ کر بھاگنے پر مجبور کردیا۔
ملکی سلامتی اورخودمختاری یقینی بناتے ہوئے افغان طالبان کی جارحیت کامنہ توڑ جواب دینے کیلئے سیکیورٹی فورسز پُرعزم ہیں۔
ویب ڈیسک: سیکیورٹی ذرائع کا کہنا ہے کہ افغان طالبان کی بلا اشتعال جارحیت کے بعد پاک فوج کی جوابی کارروائی میں طالبان فوج کی متعدد پوسٹیں تباہ ہوچکی ہیں۔
سیکیورٹی ذرائع کے مطابق پاک افغان سرحد پر پاکستانی سیکیورٹی فورسز نے انگوراڈہ کا ایک بڑا حصہ تباہ کر دیا۔ سرحدی علاقے میں سیکیورٹی فورسز افغان طالبان فوج کے ٹھکانوں کو مؤثر انداز میں نشانہ بنا رہی ہیں۔
سیکیورٹی ذرائع کا کہنا ہے کہ پاکستان کی مسلح افواج بلا اشتعال جارحیت کیخلاف بھرپور جواب دینےمیں مصروف ہیں۔
February 27, 2026
February 27, 2026
ویب ڈیسک: افغان طالبان کی بلا اشتعال جارحیت کے بعد پاک فوج کے منہ توڑ جواب پر پشاور کے عوام نے سیکیورٹی فورسز کو خراج تحسین پیش کیا ہے۔
شہریوں نے اپنے بیان میں کہا ہے کہ گزشتہ رات سے افغانستان نے جو بلا اشتعال جارحیت کی ہے اس کا پاک فوج نے افغان طالبان رجیم کو منہ توڑ جواب دیا ہے۔ ہم پاک فوج کے شانہ بشانہ کھڑے ہیں اور پوری قوم فوج کو خراج تحسین پیش کرتی ہے۔
عوام نے واضح کیا کہ افغانستان قومی شاہ پاکستان نے سہارا دیا پھر بھی وہاں کی حکومت پاکستان کے خلاف باتیں کرتی ہے۔ ہم ہمیشہ پاک فوج کے ساتھ کھڑے رہیں گے۔
شہریوں نے یہ بھی کہا کہ اس جھڑپ کا سب سے زیادہ نقصان افغانستان کو ہوگا۔ اللہ کرے کہ جلد اس خطے میں امن قائم ہو، کیونکہ یہاں بھی مسلمان ہیں اور وہاں بھی، مگر افغان طالبان رجیم بھارت کے ہاتھوں میں کھیل رہی ہے۔
ہم ہمیشہ پاک فوج کے شانہ بشانہ کھڑے ہیں، پاکستان زندہ باد۔
February 27, 2026
February 27, 2026
February 27, 2026
February 27, 2026
February 27, 2026
February 27, 2026
February 27, 2026
February 27, 2026
February 27, 2026
February 27, 2026
February 27, 2026
February 27, 2026
February 27, 2026
February 27, 2026
February 27, 2026
February 27, 2026
February 27, 2026
February 27, 2026
February 27, 2026
February 27, 2026
February 27, 2026
February 27, 2026