ویب ڈیسک: سونے کی فی تولہ قیمت میں ایک مرتبہ پھر بڑا اضافہ ریکارڈ کیا گیا ہے۔
صرافہ بازار ایسوسی ایشن کیجانب سے جاری کردہ بیان کے مطابق ملک میں فی تولہ سونا 700 روپے مہنگا ہوگیا۔ فی تولہ سونا 2 لاکھ 41 ہزار 700 روپے کا ہوگیا۔
اسی طرح دس گرام سونے کی قیمت میں 600 روپے کا اضافہ ریکارڈ کیا گیا ہے۔ دس گرام سونے کی قیمت 2 لاکھ 7 ہزار 219 روپے کی سطح پر آگئی۔
دوسری جانب عالمی مارکیٹ میں 22 ڈالر کے اضافے سے فی اونس سونا 2326 ڈالر کا ہوگیا۔