نیم کے پتوں کا رس پینے کے فائدے

لاہور: (ویب ڈیسک) نیم کے پتوں کا استعمال ہمارے جسم کے بہت سے مسائل کو دور کرسکتا ہے۔ جلد سے متعلق مسائل سے لے کر گردے اور جگر کے امراض میں بھی اس کا استعمال فائدہ مند سمجھا جاتا ہے۔ نیم کے پتوں میں اینٹی بیکٹیریل اور اینٹی سوزش خصوصیات ہوتی ہیں۔ اس سے وزن کم کرنے میں بھی مدد ملے گی۔ وزن کم کرنے کے لئے اس کا رس نکال کر پی لیں۔ نیم کا رس میٹابولزم کو بڑھاتا ہے اور کولیسٹرول کی سطح کو کم کرتا ہے۔ نیم کے پتوں میں ایسی خصوصیات ہوتی ہیں جو وزن کم کرنے میں مددگار ہیں۔ اس سے بنا رس خراب کولیسٹرول کی سطح کو کم کرتا ہے۔ اس رس کو پینے سے جسم میں چربی جمع نہیں ہوتی اور میٹابولزم بھی تیز ہوتا ہے۔ نیم کا رس پینے سے قوت مدافعت بھی بڑھے گی۔ اسے شہد میں ملا کر پینے سے جسم سے زہریلے مادوں کو باہر نکالنے میں مدد ملتی ہے اور جسم کو صحیح طریقے سے کام کرنے کے قابل بناتا ہے۔ وزن کم کرنے کے لئے جسم کو ڈیٹاکسفائی کرنا ضروری ہے، اس لئے نیم کا رس فائدہ مند ہے۔ وزن کم کرنے کے لئے نیم کا کاڑھا لیموں کے رس اور شہد میں ملا کر پی لیں۔ نیم کا رس بنانے کا طریقہ: نیم کا رس بنانے کے لئے کچھ تازہ نیم کے پتے لیں۔ پتوں کو دھو کر اچھی طرح صاف کریں۔ اب دو سے تین گلاس پانی لیں اور ابالنے کے لئے گیس پر رکھ دیں۔ جب پانی ابلنے لگے تو نیم کے پتے پانی میں ڈال دیں۔ نیم کے پتوں کا پیسٹ بھی اس میں ڈالا جا سکتا ہے۔ اسے اچھی طرح ابلنے دیں۔ اس میں ادرک اور کالی مرچ ڈالیں۔ جب پانی ایک گلاس جتنا رہ جائے تو آگ بند کر دیں۔ اسے صاف سوتی کپڑے سے چھان لیں۔ اس میں لیموں کا رس اور شہد ملا کر پی لیں۔ اس رس کو خالی پیٹ پینا فائدہ مند ہوگا۔ اسے پینے کے بعد ایک گھنٹے تک کچھ نہ کھائیں اور نہ پییں۔