ویب ڈیسک:ریپبلکن صدر ڈونلڈ ٹرمپ اور اُن کے اہم انتخابی مالی مددگار ایلون مسک کے درمیان بگڑتے ہوئے تعلقات نے ہفتہ کو ایک نیا رخ اختیار کرلیا، ٹیسلا کے سی ای او ایلون مسک نے ایک نیا سیاسی جماعت ’امریکا پارٹی‘ کے قیام کا اعلان کردیا۔
خبر رساں ادارے ’رائٹرز ‘ کی رپورٹ کے مطابق ایلون مسک نے اپنی ایکس پوسٹ میں اپنے پیروکاروں سے پوچھا تھا کہ کیا امریکا میں نئی سیاسی جماعت بننی چاہیے؟ ہفتے کو انہوں نے اعلان کیا کہ ’آج، امریکا پارٹی کی بنیاد رکھی گئی ہے تاکہ آپ کو آپ کی آزادی واپس دی جاسکے‘۔
Independence Day is the perfect time to ask if you want independence from the two-party (some would say uniparty) system!
— Elon Musk (@elonmusk) July 4, 2025
Should we create the America Party?
انہوں نے لکھا کہ ’دو کے مقابلے میں ایک کے تناسب سے آپ نئی سیاسی جماعت چاہتے ہیں، اور اب وہ آپ کو ملے گی!‘۔
By a factor of 2 to 1, you want a new political party and you shall have it!
— Elon Musk (@elonmusk) July 5, 2025
When it comes to bankrupting our country with waste & graft, we live in a one-party system, not a democracy.
Today, the America Party is formed to give you back your freedom. https://t.co/9K8AD04QQN
یہ اعلان ایسے وقت میں سامنے آیا جب ایک روز قبل ٹرمپ نے اپنے خود ساختہ ’ بگ بیوٹی فل‘ ٹیکس کٹوتی اور اخراجات کے بل پر دستخط کیے تھے، جس کی ایلون مسک نے سخت مخالفت کی تھی۔
ایلون مسک پہلے ہی کہہ چکے تھے کہ وہ نئی سیاسی جماعت بنائیں گے، کیونکہ امریکی صدر کے دوسری مدتِ صدارت کے آغاز سے ہی ’محکمہ سرکاری اخراجات میں کفایت شعاری‘ کی سربراہی کی, مگر اب دونوں کے درمیان اس بل پر شدید اختلافات پیدا ہو چکے ہیں۔
مسک کا یہ بھی کہنا تھا کہ وہ اس بل کی حمایت کرنے والے ارکانِ کانگریس کو شکست دینے کے لیے مالی وسائل استعمال کریں گے۔
تاہم ابھی تک امریکہ پارٹی کی باقاعدہ رجسٹریشن کے حوالے سے کوئی معلومات سامنے نہیں آئی ہیں، اور یہ واضح نہیں کہ آیا پارٹی نے امریکا کے انتخابی حکام کے ساتھ رجسٹریشن کرائی ہے یا نہیں۔
مسک نے پارٹی کی قیادت اور اس کے عملی ڈھانچے کے بارے میں بھی کوئی تفصیلات فراہم نہیں کیں۔
مسک کے اس اعلان کے بعد اب یہ سوال اٹھ رہا ہے کہ کیا امریکا پارٹی حقیقی طور پر امریکی سیاسی منظر پر ایک نیا دور لانے میں کامیاب ہو پائے گی؟ اس وقت تک امریکا کے انتخابی حکام کی جانب سے کوئی دستاویزات نہیں دیکھی گئی ہیں جو اس پارٹی کی رجسٹریشن کی تصدیق کریں۔